Mateo 3:12 - Manobo Western Bukidnon

¹² Geina te ibpedsivey zin te edtapid is menge metazeng wey is menge lalung he etew, iring sikandin te ebpalid te parey he id-awè din is ukap. Ne haazà is parey, ederengdengen, iyan, is ukap, edtutungen din diyà te hapuy he kenà egkeevukan,” ke si Juan.

Mateo 3:12 Referans Kwoze

Mateo 13:30

Ebpesegdanen tew zè pa taman te egkeuma is tirag̵un, ne human ku ibpepemazut te ebpemenlegtey is memezaat he pinemula, ne ibpepemagkes ku kandan su ebinsulan. Ne is memeupiya he pinemula, ibpezerengdeng ku mulà is beg̵as dan.’ ”

Lucas 3:17

Geina te ibpedsivayè din te edtapid is menge metazeng wey is menge lalung he etew, iring sikandin te ebpalid te parey he id-awè din is ukap dutun te parey. Ne haazà is parey ederengdengen, iyan, is ukap, edtutungen din diyà te hapuy he kenà egkeevukan,” ke si Juan.

Mateo 13:41

su siak is Kakey te Menusiyà, edsug̵uen ku is menge velinsug̵uen ku ne id-awè dan puun te g̵inhedian ku is ebpemenuley wey is ebpemen-ulaula te mezaat.

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Mateo 13:43

Ne zutun, is menge metazeng mulà, iring te andew is anlag dan diyà te g̵inhedian te Amey zan he Megbevayà. Sevuta niw heini is nezineg niw.

Mateo 13:42

Ne zutun idtimbag sikandan diyà te hapuy ne zutun ebpemekekulahì dan ne ebpemekengingitel zan tenged te utew zan ebpemekedsendit.

Lucas 3:16

Ne tenged kayi, migkag̵i si Juan diyà te kandan te langun te, “Duen ed-ilis kediey he utew lavew su minsan is kebpul-ut dà te menge sepatus din, kenè e pa zait he sulug̵uen din. Wahig is ibewtismu ku keniyu,” ke si Juan, “iyan, haazà is migkag̵i ku, ebewtismu zaan keniyu. Is edtuu, ne ebewtismuwan din te Wag̵as he Mulin-ulin. Ne is kenà edtuu, ne iyan din ibewtismu kandan is hapuy.