Mateo 28:18 - Manobo Western Bukidnon

¹⁸ Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Mateo 28:18 Referans Kwoze

Juan 3:35

Utew mahal ziyà te g̵ehinawa te Amey tew he Megbevayà is Anak din, ne insarig din kandin is kebayàbayà te langun.

1 Pedro 3:22

Diyà si Jesus med-ulì te langit ne g̵untaan diyà sikandin ebpimpinuu te zapit te egkekewanan te Megbevayà tuus te utew lavew sikandin. Iyan sikandin ebayàbayà te langun he menge velinsug̵uen te Megbevayà wey te menge kedesenan wey te minsan hentei ziyà te langit he zuen din gehem.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

Hibriyuhanen 2:8

Ne migkag̵i nu zaan he kinahanglan he keuzemà edhimuwen nu he mekevayàbayà sikandin te minsan hengkey.” Iyan haazà insurat dengan. Ne g̵eina te migkag̵i zutun he edhimuwen te Megbevayà is menusiyà he ebayàbayà te minsan hengkey, egkesavut ta zutun he zuen timpu keuzemà he wazà minsan hengkey he linimbag he kenà egkeveyveyaan te menusiyà. Ne g̵untaan netuenan ta he kenè pa ebpekevayàbayà is menusiyà te iring dutun.

1 Kurintu 15:27

Su zuen insurat he Lalag te Megbevayà he edhenduen te, “Is Megbevayà, ebpehedian din ki Kristu is minsan hengkey.” Ne egketuenan ta he haazà is egkeg̵iyen he “minsan hengkey,” ne wazà iragkes is Megbevayà dutun te minsan hengkey he edhedian ni Kristu.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 13:3

Ne si Jesus, netuenan din he insarig kandin te Amey zin is kebayàbayà te langun. Netuenan din daan he ziyà sikandin ebpuun te Megbevayà ne ziyà daan sikandin ed-ulì.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Kulusas 2:10

Ne sikiyu zaan, pinaag̵i te kebpekidsevaha niw ki Kristu, nekepurung kew en mekeazen te untung he imbeg̵ey keniyu ni Kristu. Ne iyan si Kristu sikan is edhadì te minsan hentei he kedesenan he zuen din keg̵ehem wey kebayàbayà.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Impezayag 19:16

Diyà te kumbalè din wey ziyà te vuvun din ne zuen insurat he g̵erar he iyan is: “Hadì te langun he menge hadì wey Egalen te langun he menge egalen.”

Ruma 14:9

Su umba mibpehimatey si Kristu wey nevanhew sikandin su wey mekevayàbayà sikandin te menge tumutuu kandin he uuyag pa wey minatey en.

Impezayag 17:14

Edtebeken dan sikan is nati he kerehidu ne egkezaag sikandan dutun te nati su egalen sikandin te minsan hentei he egalen wey hadì te minsan hentei he hadì. Ne is menge etew he edumahan dutun te nati, ne migeraran sikandan te menge impetuu wey menge pinilì, wey menge metinumanen he menge sumusundan te Megbevayà.”

Impezayag 11:15

Ne zutun midhiyup te ikepitu he velinsug̵uen is budyung din ne ziyà te langit nezineg is memezag̵ing he lag̵eng he edhenduen te, “Is kedhedii te tivuuk he menusiyà, ne ziyè en guntaan te Nengazen tew wey ziyà te hadì he mibpilì din. Ne heini he hadì, ebpekehadì sikandin te wazà pidtemanan.”

Mateo 26:64

Ne midtavak si Jesus te, “Iyan heeyan sumalà is migkag̵i nu ne ekeg̵iyan ku sikiyu is langun he siak is Kakey te Menusiyà, keuzemà egkeahà a keniyu is diyà ebpinuu te zapit te egkekewanan te Megbevayà. Ne egkeahà a zaan keniyu ziyà te menge g̵apun is ebulus he ebpuun diyà te langit,” ke sikandin.

Nengeulaula 2:36

Na,” ke si Pedro, “kinahanglan he edsevuten tew te langun he menge kevuwazan ni Israyil he si Jesus, sikan is inransang niw te krus, midhimu en te Megbevayà he Nengazen wey hadì tew te langun.”

Nengeulaula 10:36

Netuenan niw en is Meupiya he Tudtulanen he impesavut te Megbevayà kenami te menge kevuwazan ni Israyil su pinaag̵i ki Jesu Kristu he iyan Nengazen te langun he menge etew, impesavut din he egkeawà is pauk te Megbevayà kenitew.

Mateo 16:28

Kenè niw heini lipati he zuen menge zuma tew kayi he kenà ebpatey taman te egkeehè e zan is Kakey te Menusiyà he ebpekeuma su edhadì.”

Juan 3:31

Is ebpuun diyà te langit ne lavew sikandin te minsan hentei. Is menusiyà, ne zini zà ebpuun te kelibutan ne kelibutanen dà is egkeg̵iyen din. Iyan, sikan is ebpuun te langit, lavew sikandin te langun.