Mateo 28:16 - Manobo Western Bukidnon

¹⁶ Ne haazà is sepulù wey sevaha he menge sumusundan ni Jesus, midhendiyè dan te Geliliya, duen te vuvungan he migkag̵i kandan ni Jesus.

Mateo 28:16 Referans Kwoze

Mateo 26:32

Iyan, emun egkevanhew ad, edhuna a keniyu ziyà te prubinsya he Geliliya.”

Mateo 28:10

“Kenè kew egkehandek,” ke si Jesus, “beyai niw is menge suled ku ne keg̵iyi niw he medhendiyè dan te Geliliya ne ziyè e zan egkeuma,” ke sikandin.

Mateo 28:7

Ne g̵ègaani niw veyai is duma he menge sumusundan din. Ne keg̵iya niw ziyà te kandan he nevanhew en sikandin ne edhuna keniyu ziyà te Geliliya ne ziyè niw sikandin egkeuma. Ne kenè niw lipati heini is migkag̵i ku keniyu,” ke sikandin.

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

1 Kurintu 15:15

Ne kenà duen dà taman su emun iyan haazà, ne egkehimu key he menge teruen he sulug̵uen te Megbevayà su impenurù dey he is Megbevayà, mibanhew zin si Kristu, iyan, emun tutuu he kenè din ebenhawen is menge minatey, wazè din en benhawa si Kristu.

Juan 6:70

Ne migkag̵i kandan si Jesus te, “Siak, mibpilì ku sikiyu is sepulù wey zezuwa, iyan, sakup ni Setanas is sevaha keniyu.”

Marcos 14:28

Iyan,” ke si Jesus, “dutun te kegkevanhew ku, edhuna a keniyu ziyà te prubinsya he Geliliya.”

Marcos 15:41

Heini is menge vahi, layun dan ebpekiduma ki Jesus ne midtevangan dan sikandin hein diyè pa sikandin te Geliliya. Ne mezakel zaan dutun is menge vahi he nemenduma kandin te kedhendutun din te Hiruselim.

Marcos 16:7

Ne te kegkeipus te ked-ahaa zan dutun, ke sikandin te, “Hendiyan kew en te menge sumusundan din ne keg̵iyi niw sikandan wey si Pedro he si Jesus, edhuna sikandin diyà te Geliliya ne ziyè niw sikandin egkeahà, sumalà is migkag̵i zin keniyu.”