Mateo 27:44 - Manobo Western Bukidnon

⁴⁴ Ne minsan sikan is menge tulisan he inransang diyà te pesikilizè din, ne midsumpalit dan daan sikandin.

Mateo 27:44 Referans Kwoze

Marcos 15:32

Sikew is uvag Kristu he hadì dey te menge Hudiyu, penaug ke en keniyan te krus ne edtuuwan dey sikew!” Ne sikan daan is dezuwa he inransang diyà te pesikilizè din, ne midsumpalit dan daan kandin.

Mateo 27:38

Ne zuen dutun dezuwa he tulisan he inransang dan daan. Impasek is krus te sevaha zutun diyà dapit te egkekewanan din, ne impasek is krus te sevaha ziyà te egkeg̵ivang din.

Ruma 15:3

Su si Kristu, wazè din isipa is kandin he egkesuatan su insurat dengan is midtagnà he menge lalag din diyà te Megbevayà he edhenduen te, “Is menge mezaat he lalag te menge etew he insulè dan kenikew, ne iyan daan kedsulaa zan kediey.”

Santiago 1:5

Ne ke zuen minsan hentei keniyu he egkereg̵enan su kenè din egketuenan ke hengkey is meupiya he paag̵i, mebuyù te ketau ziyà te Megbevayà, ne ebeg̵ayan sikandin su metulanged sikandin ne kenè ki zin edewayen ke ebuyù ki.