Mateo 27:12 - Manobo Western Bukidnon

¹² Iyan, dutun te migkag̵i en te menge punuan te menge memumuhat wey menge ebmeg̵urangen te menge Hudiyu ziyà te ki Pilatu is sumbung dan mehitenged ki Jesus ne wazà haazà tevaka ni Jesus.

Mateo 27:12 Referans Kwoze

Mateo 26:63

Ne wazà medtavak si Jesus. Ne mid-uman megkag̵i haazà is lavew he memumuhat te, “Tangdù ka su kayi ka te etuvangan te Megbevayà he wazè din kemetayen. Emun iyan ka sikan is Anak te Megbevayà, sikan is mibpilì din he ibpahadì, keg̵iya nu,” ke sikandin.

1 Pedro 2:23

Hein edsumpeliten sikandin duen te kedrensanga kandin wazà sikandin medtavak te mezaat; wazà sikandin mebpenrawak. Is kebelesi zutun te edrasey kandin, insarig din diyà te Megbevayà he iyan kes metazeng is kedhukum din.

Nengeulaula 8:32

Iyan ebesahan dutun te upisyal is insurat ni Esaias dengan he edhenduen te, “Iring sikandin te vuutan he kerehidu he migkuwa zan su edhimetayan. Ne wazà migkag̵i zin su iring sikandin te nati he kerehidu he kenà ed-erang ke ed-elutan.

Mateo 27:14

Iyan, wazà medtavak si Jesus te minsan hengkey; ne tenged kayi neinuinu utew is gubirnedur.

Mateo 27:13

Umba mid-insaan sikandin ni Pilatu te, “Maan is wazè nu tevaka heini is langun he menge sumbung dan mehitenged kenikew?”

Lucas 23:9

Ne zutun mezakel is menge insà ni Hirudis ki Jesus, iyan, wazà si Jesus medtavak.