Mateo 26:40 - Manobo Western Bukidnon

⁴⁰ Ne hein midlikuan din haazà is tetelu he menge sumusundan din, nekelipezeng dan, ne migkeg̵iyan din si Pedro te, “Wazè niw ve metigker he kenè kew medlipezeng te minsan sengeuras dà?

Mateo 26:40 Referans Kwoze

Marcos 14:37

Ne midlikù si Jesus ne neehè din haazà is tetelu he sumusundan din he nemekelipezeng, ne migkeg̵iyan din si Pedro te, “Simon, nekelipezeng ke ve? Wazè nu ve metigker he kenè ka edlipezeng te minsan sengeuras dà?”

Lucas 22:45

Ne mid-engked si Jesus is ed-ampù ne midhitindeg ne midlikuan din is menge sumusundan din. Ne langun dutun te menge sumusundan din, ne nemekelipezeng su utew zan mibmeluya tenged te kegkeseeng dan.

Mateo 26:43

Ne zutun midlikuan din sikan is menge sumusundan din ne neehè din he nemekelipezeng dan en maan su wazè dan maantus is kebpemetpetayi kandan te tuzug.

Lucas 9:32

Ne si Pedro wey is menge zuma zin, ne nemekelipezeng dan ne hein nepukew zan neehè dan is mekeg̵eg̵ehem he anlag ni Jesus wey haazà is dezuwa he maama he zuma ni Jesus.

Mateo 26:35

Ne migkag̵i si Pedro te, “Minsan pa ke edhimetayan a zuma kenikew kenà a egkag̵i he wazè ku sikew mekilala!” Ne iring ded daan dutun is menge pesarig dutun te zuma he menge sumusundan ni Jesus.

Mateo 26:38

Ne migkag̵i sikandin diyà te kandan te, “Utew mesakit is gehinawa ku. Henduen be te egkevidtew en. Kayi kew zà ne kenè kew medlipezeng.”

Mateo 25:5

Ne g̵eina te neug̵et mekeuma sikan is ebpengesawa, ebpemekezungkàdungkè dan en dutun is edtag̵ad he ebpemekelipezeng.

Mateo 26:41

Kenè kew lipezeng, kekenà, ampù kew wey kew mekelikey te menge penggezam keniyu. Edsunud is gehinawa niw, iyan, is lawa niw ne meluya.”