Mateo 26:24 - Manobo Western Bukidnon

²⁴ Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Mateo 26:24 Referans Kwoze

Lucas 24:46

Ke sikandin te, “Ibpesavut duen te insurat he Lalag te Megbevayà he kinahanglan he siak is hadì he mibpilì te Megbevayà, ne edhimetayan a ne seled te tetelu he andew zutun ne ebenhawen a te Megbevayà.

Mateo 18:7

Kehizu te menusiyà, su zuen iyan menge ebpekeawà te kedsarig te menge etew. Layun egkehitavù is iring kayi, iyan, kehizu utew te etew he pinaag̵i kandin egkeawà is kedsarig kediey te minsan hentei he midtuu kedì su utew meveg̵at is silut kandin te Megbevayà.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

Juan 17:12

Te kemulu e pa zuma zan, is menge etew he imbeg̵ey nu kediey, midlig-enan ku sikandan pinaag̵i te g̵ehem te ngazan nu he iyan daan kes ngazan he imbeg̵ey nu kediey. Mibentayan ku sikandan ne wazà minsan sevaha he egketazin kandan. Sikan is etew he netagnà is kedsiluti kandin, egketazin sikandin su egketuman is tagnà diyà te insurat he Lalag te Megbevayà.

Lucas 22:22

Siak is Kakey te Menusiyà, ebpatey e zed gihapun sumalà is imbanglis kedì te Megbevayà, iyan, kehizu utew te etew he ed-akal kedì.”

Marcos 14:21

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew te etew he ed-akal kedì. Meupiya pa ziyà te kandin ke wazè en sikandin ianak.”

Mateo 26:54

Iyan,” ke si Jesus, “emun ebpetavang a kandin ne kenà egketuman sikan is nengetagnà dengan dutun te insurat he Lalag te Megbevayà; ne kinahanglan he egkeulaula haazà sumalà is netagnà,” ke sikandin.

Marcos 9:12

Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Mateo 26:56

Iyan, guntaan, human en egkeulaula heini is langun kayi su egketuman sikan is menge tagnà he insurat dengan te ebpemeneuven te Megbevayà.” Ne hein nekag̵i en ni Jesus haazà, mid-ewaan sikandin dutun te menge sumusundan din su nemelag̵uy zan is langun.

Nengeulaula 28:23

Ne midtelaan dan is andew ne hein netuman haazà, mezakel is menge Hudiyu he nengetig̵um dutun te ed-ubpaan ni Pablo. Ne nehepunan si Pablo is edseysey wey ebpesavut kandan ke egkemenumenu is kedhadì te Megbevayà. Impesavut din kandan is insurat dengan ni Moises dutun te kesug̵uan wey is insurat daan te ebpemeneuven te Megbevayà su wey meketuu sikandan he iyan si Jesus sikan is hadì.

Nengeulaula 4:28

Ne mid-uyunan dan ke hengkey is ed-ul-ulahan dan diyà te kandin sumalà is imbanglis nu he meulaula zan.

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Juan 19:28

Ne zutun netuenan ni Jesus he nepasad din en is langun he netagnà mehitenged kandin, ne migkag̵i te, “Egkemezahan a.” Ne pinaag̵i zutun netuman is netagnà dengan diyà te insurat he Lalag te Megbevayà.

Juan 19:24

Ne tenged dutun migkag̵i is menge sundaru te, “Kenè tew ebindasen, kekenà, edripahan tew wey tew metueni ke hentei kenitew is ebpekeg̵aked.” Umba neulaula zan heini su egketuman kes netagnà dengan he Lalag te Megbevayà he insurat he edhenduen te, “Mibahinbahin dan is ugelingen ku ne midripahan dan is bisti ku.” Ne neulaula haazà dutun te menge sundaru.

Mateo 26:31

Ne zutun migkag̵i si Jesus diyà te kandan te, “Is langun te sikiyu, ne edluyahan is kedsarig niw kediey g̵untaan te mezukilem tenged te egkehitavù kedì; su zuen insurat he Lalag te Megbevayà he edhenduen te, ‘Edhimetayan ku is ed-elima te menge kerehidu ne ebpekedsusuwey is menge kerehidu.’