Mateo 25:44 - Manobo Western Bukidnon

⁴⁴ Ne ed-insè dan te, ‘Nengazen, keenu zey sikew maahà he egkevitil, ebpekeinum, wazà egkepemenehikan, wazà ugelingen, nezeruwan, wey ziyà te pirisuan ne wazè dey sikew metevangi?’

Mateo 25:44 Referans Kwoze

Lucas 10:29

Iyan, haazà is menunudlù te kesug̵uan, egkesuatan din pezem he meisip ni Jesus he hustu is menge ulaula zin, umba migkag̵i sikandin te, “Hentei is nekag̵i he zuma ku?”

Mateo 7:22

Ne zutun keuzemà te andew te kedsilut, mezakel is ebpehizuhizu zini te kedìey he egkag̵i te, ‘He Nengazen, pinaag̵i te g̵ehem nu neketagnè key, ne nengeulian dey is ebpenlelungen te mezaat he mulin-ulin, ne mezakel is menge egkein-inuwan he nengehimu zey.’

Mateo 5:6

Utew zeyzey sikandan is iyan dekelà te g̵ehinawa zan is kedtumana zan te egkesuatan te Megbevayà su is Megbevayà edtavang kandan te kedtumana kayi.

Mateo 10:41

Ke zuen etew he edawat te ebpeneuven te Megbevayà tenged te Megbevayà is ebpenaub dutun te midawat din, ebpekeambit haazà is etew te suhul te Megbevayà dutun te ebpeneuven din. Ne ke zuen etew he edawat te metazeng he etew tenged te metazeng is ulaula zutun te etew, ebpekeambit sikandin te suhul te Megbevayà dutun te metazeng he etew.

Mateo 25:43

Wazè ku egkepemenehikan ne wazà a keniyu zewata ziyà te valey niw. Egkinahanglan a te ugelingen, iyan, wazà a keniyu meveg̵ayi. Nezeruwan a, ne ziyà a te pirisuan, iyan, wazà a keniyu leuya.’

Mateo 25:45

Ne zutun edtavak a is hadì te, ‘Egkeg̵iyen ku keniyu he ke wazè niw tevangi is minsan sevaha kayi te utew minus is pid-etawan din, siak is wazè niw metevangi.’