Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.
Mateo 25:34 - Manobo Western Bukidnon34 Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan. Gade chapit la |
Mateo 25:34
68 Referans Kwoze
Heeyan is langgam he egkeehè nu, ne zini sikandin te kelibutan dengan, iyan, wazè en guntaan. Ne meg̵aan en maan edlepew he ebpuun te vitu he wazà pidtemanan is kezalem din, ne zutun te kedlepew zin, id-agbur sikandin diyà te Impirnu su edsilutan. Ne is langun he menge etew he zengan te wazè pa limbag̵a is kelibutan, wazà isurat is menge ngazan dan diyà te libru he zutun ilista is langun he ebeg̵ayan te untung, utew zan egkengeinuinu zutun te ked-ehè dan te langgam. Iyan igkengeinuinu zan su haazà is langgam, dengan uuyag ne minatey en guntaan, iyan, egkevanhew zed.
Ne sikitew mulà is nemeketuu, idtug̵ut kenitew is kedseled dutun wey kiw mekehimeley zuma te Megbevayà. Iyan, wazà itug̵ut te kenà edtuu su zuen insurat he Lalag te Megbevayà he edhenduen te, “Ne utew a nepauk ne migkag̵i ku he utew tutuu he kenè dan en ebpekeseled dutun te integ̵ana ku he inged wey zan mekehimeley zuma kediey!” Wazà iyan ikeg̵iya zin kayi is wazè pa meteg̵ana haazà is kedhimeley su zaan en he nepasad din en heini puun pa te kedlimbag̵a zin te minsan hengkey.
Su ebpen-ahaan dan is inged he utew pa meupiya, kenà haazà is mid-ewaan dan su iyan ebperetengen dan is egkeubpaan dan he inged diyà te langit. Ne g̵eina te iyan haazà, ne mid-angken sikandan te Megbevayà ne netuenan ta he kenè din igkeeled is kegngezani zan kandin he Megbevayà dan su mid-andam din en is inged he egkeubpaan dan.
Ne tenged kayi iyan ibpenurù dey is insurat dengan he Lalag te Megbevayà he edhenduen te, “Is utew meupiya wey egkein-inuwan he wazè pa maahà wey wazè pa mezineg te menusiyà wey wazè pa meisip te minsan hentei he etew, ne iyan heini mid-andam te Megbevayà he ibeg̵ey zin diyà te langun he menge etew he mahal sikandin diyà te g̵ehinawa zan.”
Egkeimahan dan is menge azen te menge zuma zan. Egkengelangut dan, ne kenè dan ed-eg̵enen is menge kebayè dan he mezaat, kekenà, edtumanen dan, wey mezakel pa is ed-ul-ulahan dan he iring kayi. Ed-umanan ku te egkag̵i is migkag̵i ku he zaan he is etew he ed-ul-ulahan din is menge iring kayi, kenà sikandin ebpekeragkes te egkehedian te Megbevayà keuzemà.
Siguradu netuenan niw he haazà is menge etew he ed-ulaula te mezaat, kenà sikandan keuzemà egkehedian te Megbevayà! Ne tenged kayi, purungi niw heini isipa su wey kenè kew mesayep su is menge etew he meremerik is ulaula zan, is ed-azap te kenà tutuu he megbevayà, is etew he egkevut te kenè din esawa, is maama he egkeerig̵an te maama wey is bahi he egkeerig̵an te vahi,
Umba ke zuen minsan hentei he edlegkawen din is minsan utew zà deisey zuen te kesug̵uan ne ibpenurù din te zuma zin he kenà tumana haazà is midlagkew zin, iyan sikandin utew minus is pid-etawan din ke edhadì is Megbevayà he ziyà te langit. Ne iring din daan ke zuen etew he edtumanen din ebpurungi is kesug̵uan ne ibpenurù din diyà te zuma is kedtumana kayi, iyan sikandin lavew te langun he etew ke edhadì keuzemà is Megbevayà.
su emun iyan haazà egkinehenglanen, puun pa te kedlimbag̵a te kelibutan, ne utew mezakel is kebpekeantus din te kebpehimatey. Iyan, wazà iyan haazà kinehenglana su iyan mid-ulaula zin kayi te timpu he meg̵aan en egketapus is kelibutan is: midlepew sikandin wey zin maawà is salè tew pinaag̵i te kebpemuhata zin te keugelingen din he lawa. Ne kesevaha zà is kedhimuwa zin kayi.
Ne g̵untaan integ̵ana en kedì te Nengazen is suhul he iyan ibeg̵ey zin diyà te langun he memetazeng he etew. Ibeg̵ey zin heini keuzemà te andew te kedsusiya zin te nengeulaula te tivuuk he menusiyà. Iyan sikandin kes metazeng is kedsusi zin. Ne kenà iyan e zà midteg̵enahan din te suhul, kekenà, midteg̵enahan din daan is langun he utew egkeg̵alew ke ebpekelikù sikandin.
Ne g̵eina te anak ki zin, keuzemà egkezawat ta is langun he meupiya he impenaad din kenita, ne kenà duen dà taman, su is minsan hengkey he ibeg̵ey zin ki Kristu, ibeg̵ey zin daan kenita. Iyan, wey ki zà ebpekeambit te utew meupiya he kebpekesavuk ni Kristu ke ed-entusen ta is menge kemereg̵enan tenged te kedtuu ta, iring te si Jesu Kristu, nekeantus daan te kemereg̵enan.
Piblisite