Mateo 24:15 - Manobo Western Bukidnon

¹⁵ Si Daniel, sikan is ebpeneuven te Megbevayà dengan, netagnè din is egngezanan te melimezang he ebpekekaid. (Is ebpekevasa kayi te netagnè din, kinahanglan he sevuta zutun te nekevasa haazà is nevasa zin.) Ne emun egkeehè niw he ziyè en heini ebpekehitindeg te Valey te Megbevayà,

Mateo 24:15 Referans Kwoze

Marcos 13:14

Ne is egngezanan te melimezang he ebpekekaid, emun egkeehè niw he ziyè en haazà te simbahan he Valey te Megbevayà he wazà itug̵ut kandin, ne sikan is diyà te prubinsya he Hudiya, mebpelag̵uy zan pehendiyà te vuntud. (Is ebpekevasa kayi te tagnà dengan mehitenged kayi, kinahanglan he sevuta zin.)

Lucas 21:20

Ne mid-uman megkag̵i si Jesus te, “Ne emun egkeehè niw heini is inged he Hiruselim he egkelingutan en te menge kuntada niw he sundaru ne egketuenan niw he meg̵aan en egkezeeti.

Impezayag 1:3

Edtuvazan te Megbevayà is ebasa kayi te libru wey edtuvazan din daan is ebpemineg te kebesaha kayi ne edtuman te insug̵ù kayi. Su utew en meg̵aan is kegketuman te langun kayi te netagnà.

Lucas 19:43

Ne zuen andew he zutun egkeumahan kew te menge kuntada niw ne egkelingutan kew ne edtebeken kew zan ne kenè kew ebpekeg̵awas dutun.

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

Nengeulaula 6:13

Ne zutun duen impeseled dan he menge etew he ibpeulug dan te salà ki Esteban. Ne migkag̵i haazà te, “Heini si Esteban, kenà ed-engked he edsudì kayi te simbahan tew he Valey te Megbevayà ne edsumpeliten din is kesug̵uan he imbilinbilin kenitew ni Moises.

Impezayag 3:22

Is minsan hentei keniyu, mebpemineg te egkeg̵iyen te Wag̵as he Mulin-ulin diyan te menge tumutuu,’ ” ke sikandin.

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Juan 11:48

Emun ebpesegdanen tew, edtuuwan te langun he menge etew he iyan sikandin sikan is mibpilì te Megbevayà he ibpahadì. Ne emun iyan en heini vag̵ad, ebeyaan kiw te menge sundaru te hadì tew ziyà te Ruma, ne edèdeetan dan is simbahan tew he Valey te Megbevayà wey is gubirnu tew.”

Mateo 24:16

mebpelag̵uy zan is diyà te prubinsya he Hudiya pehendiyà te menge vuvungan.