Mateo 23:9 - Manobo Western Bukidnon

⁹ Kenè niw zaan gerari te ‘amey’ is minsan hentei kayi te kelibutan su sebsevaha zà is Amey niw he iyan is Megbevayà diyà te langit.

Mateo 23:9 Referans Kwoze

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

Hibriyuhanen 12:9

Su minsan is amey ta zini te kelibutan, emun ebmensuwen ki zin ne ebpekepevayàbayè ki g̵ihapun kandin, wey pe be kenà mehimu he ebpekepevayàbayè ki zaan te Amey ta ziyà te langit? Su pinaag̵i kayi egkeangken ta is untung he wazè din pidtemanan.

Mateo 7:11

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà meupiya is ibeg̵ey zin diyà te minsan hentei keniyu ke ebuyù ziyà te kandin.

1 Kurintu 4:15

Su minsan pa te utew mezakel is menge etew he ed-ag̵ak keniyu te menge tumutuu ki Kristu, sebsevaha ku zà is iring te amey niw tenged te kedtuu niw. Su hein impesavut ku keniyu is Meupiya he Tudtulanen, nehimu a he amey niw zutun te kedtuu niw ki Jesu Kristu.

2 Kurintu 6:18

Ne egkehimu a he Amey niw ne sikiyu, menge vahi wey maama, egkehimu kew he menge anak ku. Lalag heini te mekeg̵eg̵ehem he Nengazen te langun.”

Nengeulaula 22:1

Ke sikandin te, “Menge suled wey menge g̵inikanan, pemineg̵a niw is ibpesavut ku keniyu he menge ketezengan ku.”

Mateo 6:32

Iyan heini igkeseeng te menge etew he wazà medtuu te tutuu he Megbevayà. Iyan, is Amey tew he Megbevayà he ziyà te langit, netuenan din he zaan he egkinehenglanen niw is iring kayi.

Mateo 23:10

Kenè niw zaan itug̵ut he iyan id-umew keniyu is ‘egalen’ su siak is mibpilì te Megbevayà, iyan e zà egalen niw.