Mateo 23:37 - Manobo Western Bukidnon

³⁷ Ne zutun netenuzan ni Jesus is menge ulaula te menge meg̵inged te Hiruselim ne ke sikandin te, “Igkeseeng ku sikiyu is menge meg̵inged diyà te Hiruselim su ebpemunuen niw is ebpemeneuven te Megbevayà, ne is menge sulug̵uen te Megbevayà he ibpehendiyan, ebpenulengen niw te vatu he edhimetayan niw. Utew zekelà is suat ku pezem he ed-uyemuwen ku sikiyu; ke và dà manuk, iring a te upa he edlekupan din is menge piyak din, ne kenè kew ebpelekup.

Mateo 23:37 Referans Kwoze

Mateo 23:30

Ne egkag̵i kew te, ‘Angin ke neetew kiw en dutun te timpu te menge kepuun tew he mibpenhimetayan dan sikan is ebpemeneuven dengan te Megbevayà su kenè kiw mulà dutun edtampu te mibeelan dan.’

Mateo 22:3

Midsug̵ù din is menge sulug̵uen din he ibpetukew sikan is menge etew he migkeg̵iyan he zaan he ipetelavuk dan en dutun te keemuran. Iyan, is menge etew, wazè dan itetepian haazà is menge sulug̵uen.

Mateo 5:12

Iyan daan heini kes mid-ulaula te menge etew zengan diyà te menge ebpeneuven te Megbevayà. Medlipey kew utew su utew zekelà is idsuhul keniyu keuzemà diyà te langit.

1 Tiselunika 2:15

Is menge Hudiyu, iyan kes midhimatey te ebpemeneuven te Megbevayà dengan wey te Nengazen tew zaan he si Jesus. Ne mid-avug key zan daan. Utew supak is menge ulaula zan te egkesuatan te Megbevayà,

Mateo 22:6

Ne is duma he etew zutun, migewezan dan haazà is midsug̵ù te hadì, ne mibpemug̵el zan ne human dan himetayi.

Impezayag 17:6

Ne neehè ku he nelangut haazà is bahi te lengesa te menge tumutuu he midhimetayan din tenged te kedtuu zan ki Jesus. Ne utew a neinuinu te kegkeahaa ku zutun te vahi.

Lucas 15:28

Ne zutun utew neepes haazà is kakey ne wazà mebpemenahik dutun te valey. Ne zutun mibpenaug haazà is amey zan he ednayùnayù is egkag̵i ziyà te kandin te, ‘Laus ke man dini, Mama.’

Mateo 23:31

Ne venar ves iyan he iyan kew sikan is menge kevuwazan te menge etew zengan he nekevunù te ebpemeneuven te Megbevayà su iring kew kandan.