Mateo 23:27 - Manobo Western Bukidnon

²⁷ Kehizu niw, te menge menunudlù te kesug̵uan wey sikiyu is menge Perisiyu, su tarù is kedtuu niw te Megbevayà! Iring kew te valey he vatu he iyan lungun he mibpintalan te meputì he zutun idsavuk is lawa te nemematey. Meupiya he ed-ahaan diyà te g̵awas, iyan, dutun te seled din ne menge tulan te minatey he nengeredak en.

Mateo 23:27 Referans Kwoze

Nengeulaula 23:3

Ne migkeg̵iyan sikandin ni Pablo te, “Sikew is tarù is ked-azap din te Megbevayà, siguradu Megbevayà is edsilut kenikew. Su sumalà is ibpenurù te kesug̵uan tew, ebpimpinuu ka keniyan is edsusi kediey, iyan, edsupaken nu is kesug̵uan su insug̵ù nu he tebpie e zan.”

Lucas 11:44

Kehizu niw te menge Perisiyu su iring kew te menge leveng he kenà egketuusan ne egkeg̵iekan te etew, iyan, wazè dan metueni he meremerik haazà is neg̵iekan dan.”

Mateo 23:28

Iring kew zutun su emun ed-ahaan kew te etew henduen be te meupiya is ulaula niw, iyan, diyà te g̵ehinawa niw, dutun is kedtarùtarù wey kedsupak te sug̵ù te Megbevayà.

Gelasya 6:12

Ne sikan is menge etew he egkesuatan dan he mebpesirkunsidar kew, egkesuatan dan he zelig̵a zan te menge zuma zan. Egkehandek dan te menge zuma zan he Hudiyu su kenè dan egkesuat he pesipelahi sikandan tenged te kedsarig dan te kebpehimatey ni Kristu.