Mateo 22:24 - Manobo Western Bukidnon

²⁴ Ne migkeg̵iyan dan si Jesus te, “Menunudlù, impenurù dengan ni Moises he emun duen maama he zuen din esawa ne ebpatey haazà is maama, kinahanglan he ebpemeluwen te suled dutun te maama haazà is ipag din su wey mevuwad haazà is minatey pinaag̵i zutun te suled din.

Mateo 22:24 Referans Kwoze

Lucas 20:28

ke sikandan te, “Menunudlù, impenurù dengan ni Moises he penenglitan, ke zuen maama he zuen din esawa ne ebpatey haazà is maama he wazà mevuwad, kinahanglan he ebpemeluwen te suled dutun te maama haazà is ipag din su wey mevuwad haazà is minatey pinaag̵i kandin.

Marcos 12:19

Ne migkag̵i zan diyà te ki Jesus te, “Menunudlù, impenurù dengan ni Moises he penenglitan, ke zuen maama he zuen din esawa ne ebpatey haazà is maama ne wazà mevuwad, kinahanglan he ebpemeluwen te suled dutun te maama haazà is ipag din su wey mevuwad haazà is minatey pinaag̵i zutun te suled din.

Lucas 6:46

Ne mid-uman megkag̵i si Jesus te, “Maan is egkeg̵iyen niw he iyan a egalen niw, iyan, kenè niw edtumanen is menge sambag ku keniyu.

Mateo 22:36

“Menunudlù,” ke sikandin, “hengkey is lavew he sug̵ù duen te kesug̵uan?”

Mateo 22:16

Ne midsug̵ù dan diyà te ki Jesus is menge sumusundan dan wey menge sakup te upakat he midtukud ni Hirudis. Ne haazà is midsug̵ù dan, migkag̵i ziyà te ki Jesus te, “Menunudlù, netuenan dey he metazeng ka he etew; su ibpenurù nu is tutuu he ebpeveelan kenitew te Megbevayà, ne is lalag te menge etew, kenà ebpekehalin te ibpenurù nu tenged te wazè nu ibpelavi he minsan hentei.

Mateo 7:21

Su zuen menge etew he ebpengumew-umew kedì te, ‘Nengazen, he Nengazen!’ Iyan, kenà langun te sikandan ebmehimuwen he mehedii te Amey ku he Megbevayà he ziyà te langit, kekenà, iyan dà sikan is edtuman te egkesuatan te Megbevayà.

Mateo 22:25

Ne zengan duen dini pitu he menge maama he teltelehazi. Mibpengesawa is kakey, iyan, minatey he wazà med-anak. Ne mibpemalu haazà is bahi te hazi zutun te minatey. Ne minatey zaan haazà is hazi he wazà mevuwad; ne haazà is bahi, mibpemalu en maan te hazi zutun te minatey. Ne iring din ded daan, minatey haazà is mibpemalu zutun te vahi he wazà mevuwad. Ne henduen dà duen su pudu nekeesawa zutun te vahi haazà is teltelesuled he pudu zin ingkevalu, iyan, nemematey zan maamin he wazà mevuwad.

Lucas 20:33

Ne keuzemà te kegkevanhew te menge etew, hentei is hustu he esawa zutun te vahi? Su haazà is pitu he teltelehazi, pudu zan man nekeesawa kandin.”