Mateo 21:39 - Manobo Western Bukidnon

³⁹ Ne migewezan dan haazà ne intimbag dan diyà te g̵awas dutun te perasan ne midhimetayan dan.”

Mateo 21:39 Referans Kwoze

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Juan 18:12

Ne zutun, haazà is menge sundaru wey is kepitan dan wey elin daan is menge pulis te menge Hudiyu, midakep dan si Jesus ne mibakus dan.

Mateo 26:57

Ne zutun, haazà is menge etew he midakep ki Jesus, mid-uwit dan sikandin diyà te ki Keyipas he lavew he memumuhat. Ne zutun, daan en he netig̵um is menge menunudlù te kesug̵uan wey is menge ebmeg̵urangen te menge Hudiyu.

Nengeulaula 5:30

Mibunù niw si Jesus su inransang niw te krus, iyan, is Megbevayà he edsimbahan te menge kepuun tew, mibanhew zin si Jesus.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Juan 18:24

Ne zutun impeuwit ni Anas si Jesus he mibakus diyà te ki Keyipas he iyan tutuu he lavew he memumuhat.

Mateo 26:50

Ne migkag̵i si Jesus diyà te kandin te, “Pekezilepeti nu, Mama, is ed-ul-ulahan nu.” Ne midakep dutun te menge etew si Jesus ne mibpekehemenan dan te egawed.

Mateo 21:38

Iyan, hein naahà dutun te impemeelima zin te perasan haazà is anak din, migkag̵i zan te, ‘Na, iyan en heini sikan is anak din; kuwa kew en su edhimetayan tew ne egkeangken tew en heini is perasan din.’

Mateo 21:40

Ne ke si Jesus te, “Emun ebpekeuma sikan is teg̵ig̵aked dutun te perasan, hengkey is ed-ul-ulahan din dutun te impemeelima zin dutun te perasan?”