Mateo 20:21 - Manobo Western Bukidnon

²¹ Ne mid-insaan ni Jesus te, “Hengkey is egkesuatan nu?” Ne midtavak haazà is bahi te, “Heini is dezuwa he anak ku he sumusundan nu, egkesuatan ku he, keuzemà ke ebpinuu ke en diyà te pinuuwè nu te kedhadì, ibpepinuu nu zaan sikandan, is sevaha ziyà dapit te egkekewanan nu, ne is sevaha, diyà dapit te egkeg̵ivang nu.”

Mateo 20:21 Referans Kwoze

Mateo 19:28

Ne midtavak dutun si Jesus te, “Benar heini is egkeg̵iyen ku, siak is Kakey te Menusiyà, mekeg̵eg̵ehem a keuzemà te kedhadì ku emun egkeveg̵u en is langun; ne sikiyu is menge sumusundan ku, egkehedian niw zaan is menge kevuwazan te sepulù wey zezuwa he anak ni Israyil.

Mateo 18:1

Ne zutun he timpu midhendiyà te ki Jesus is menge sumusundan din ne mid-insè dan te, “Hentei is lavew te menge etew he edhedian te Megbevayà?”

Nengeulaula 1:6

Ne zuen timpu he nengetig̵um dan en maan. Ne mid-insaan dan si Jesus, ke sikandan te, “Nengazen, iyan en be heini sikan is timpu te kedtevangi nu kenami te menge kevuwazan ni Israyil su wey iulì dini te kenami he inged he Israyil kes daan he keg̵ehem dey he edhedian key te keugelingen dey he hadì?”

Marcos 6:22

Ne sikan is anak he vahi ni Hirudyas, midseled dutun te keemuran ne midsayew ne utew ingkelangan ni Hadì Hirudis wey sikan is ebpemengaan duma kandin. Ne tenged dutun migkeg̵iyan sikandin ni Hadì Hirudis te, “Buyù ka kedì te minsan hengkey ne ibeg̵ey ku kenikew.”

Mateo 20:32

Ne zutun midteren si Jesus ne migkag̵i ziyà te kandan te, “Hengkey is kinahanglan niw he ed-ul-ulahan ku keniyu?”

Kulusas 3:1

Ne, menge suled, nevanhew si Kristu ne iring te nevanhew kiw zaan duma kandin su zuen tew en untung he wazè din pidtemanan. Ne tenged kayi, kinahanglan he ebpurungan ta layun ed-isipa is ibpeisip-isip kenita te Megbevayà diyà te langit he zutun edhadì si Kristu he ebpinuu ziyà te zapit te egkekewanan te Megbevayà.

Ruma 12:10

Sikitew is midsusuled pinaag̵i ki Kristu, ibpeehè tew he mahal zini te g̵ehinawa tew is kada sevaha kenitew, ne ibmeupiya te g̵ehinawa tew is kedtahud tew te menge zuma tew.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Lucas 22:24

Ne zutun mibpelewlewanà haazà is menge sumusundan din ke hentei is lavew kandan keuzemà.

Lucas 19:11

Ne haazà is menge etew he nemekezineg dutun te menge lalag ni Jesus, impezineg din pa kandan is sempità. Uvey zan en te inged he Hiruselim ne tenged dutun kunaan te menge etew ke ebpuunè en si Jesus edhadì.

Lucas 18:41

“Hengkey is egkesuatan nu he ebeelan ku?” Ne midtavak haazà is lakap te, “Iyan egkesuatan ku is: mekeahà is menge mata ku.”

Marcos 10:51

Ne mid-insaan sikandin ni Jesus te, “Hengkey is egkesuatan nu he ebeelan ku?” Ne midtavak haazà is lakap te, “Iyan egkesuatan ku is mekeahà is menge mata ku.”

Ruma 8:34

Ne wazà daan ebpekekag̵i he zait ki he edsilutan su edtevangan ki ni Jesu Kristu. Minatey sikandin he elili kenita ne kenà duen dà taman, su nevanhew en daan. Ne g̵untaan utew sikandin lavew su ziyà sikandin ebpinuu te zapit te egkekewanan te Megbevayà ne edtevangan ki zin diyà te etuvangan te Megbevayà.

Marcos 16:19

Ne te kegkeipusa te Nengazen he si Jesus dutun te menge lalag din, mibatun sikandin pehendiyà te langit, ne mibpinuu ziyà te egkekewanan te Megbevayà.

Mateo 20:22

Ne migkeg̵iyan ni Jesus haazà is dezuwa te, “Wazè niw mesavut ke hengkey is edhengyuen niw. Egkeantus niw ve is merasey he ibpaantus kedì?” Ne midtavak dan is dezuwa te, “Uya, egkeantus dey.”