Mateo 20:18 - Manobo Western Bukidnon

¹⁸ Ne ke sikandin te, “Netuenan niw he edhendiyè kiw te Hiruselim. Ne emun ebpekeuma kiw zutun, siak is Kakey te Menusiyà, ibpalad a ziyà te menge punuan he memumuhat wey menge menunudlù te kesug̵uan. Ne egkeuyun dan he ebpehimetayan a,

Mateo 20:18 Referans Kwoze

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Mateo 27:1

Ne hein nepawà dutun is langun he menge punuan te menge memumuhat wey menge ebmeg̵urangen te menge Hudiyu, mid-uyunan dan ke ebmenmenuwen dan is paag̵i wey iketug̵ut kandan is kedhimetayi ki Jesus.

Mateo 26:66

Hengkey is hukum niw?” Ne midtavak is menge zuma zin te, “Dekelà is salè din; kinahanglan he edhimetayan.”

Mateo 26:2

“Netuenan niw he mekezuwa zà guntaan ne egketuman en sikan is pista he egngezanan te Pista te Kedlevayi. Ne zutun, siak is Kakey te Menusiyà, ibpalad a ziyà te menge etew wey e zan ikeransang te krus,” ke sikandin.

Lucas 22:71

Ne zutun migkag̵i zan te, “Wazè en kinahanglan pa he zuen pa menge edsumbung kandin su nezineg tew en is menge lalag din he utew supak te Megbevayà.”

Mateo 10:4

wey si Simon is sevaha he sakup te upakat he Kenenista wey si Hudas kes tigKeriyuti he iyan mibpalad ki Jesus diyà te menge Hudiyu.