Mateo 20:14 - Manobo Western Bukidnon

¹⁴ Dewata niw en heeyan is idsuhul ku keniyu ne ulì kew su egkesuatan ku he mesuhuli heini is nengehuziyan te iring te suhul ku keniyu.

Mateo 20:14 Referans Kwoze

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Lucas 15:31

‘Mama,’ egkag̵i haazà is amey zin, ‘sikew, dini ka mulà layun duma ku. Ne is langun he azen ku, ne kenikew. Ne iyan ka teg̵ig̵aked te langun.

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Ruma 3:4

Su minsan ke teruen is tivuuk he menusiyà, tutuu mulà is minsan hengkey he egkeg̵iyen te Megbevayà. Su zuen insurat dengan he lalag ni Hadì David te kedtistig̵usi zin te ketazeng te Megbevayà he edhenduen te, “Kenà egkehimu he kenà hustu is kenikew he ketezengan, su ke idsumbung ka, layun ebpekezaag is kenikew he ketezengan,” ke si David.

Mateo 6:16

Ne emun edsalang kew egkaan su ebpengampù kew ziyà te Megbevayà, kenè niw ipetuusi pinaag̵i te kebuvuked niw iring te menge etew he egkesuat he mezalig sikandan te menge zuma he etew. Edrig̵urig̵u zan, ne kenè dan ebpendapug wey kenè dan ebpenuwat su wey metueni te menge etew he edsalang dan egkaan. Egkeg̵iyen ku keniyu he nezawat dan en is kedelig̵a kandan te menge etew. Ne wazè en duma pa he suhul he egkezawat dan he ebpuun te Megbevayà.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Mateo 6:2

Ne emun duen ibeg̵ey niw ziyà te egkeayuayu kinahanglan he kenà iyan id-ul-ulaha niw zutun su wey mezalig kew te menge etew. Su iyan haazà baal te menge etew he tarù is kedtuu zan. Ed-ul-ulahan dan haazà diyà te menge simbahan wey ziyà te kersada su wey mezalig sikandan te menge etew. Kenè niw lipati he tenged te nezawat dan en is kedelig̵a kandan te menge etew, wazè en egkezawat dan he ebpuun diyà te Megbevayà.

Lucas 16:25

Iyan, midtavak ni Abraham haazà is mid-umew te, ‘Apù, tentenuzi nu he hein uuyag ke pa, ne mid-em-eminan nu en is kedlipeylipey nu. Iyan, si Lazaro mulà, ne neem-eminan din en is kemeresayan. Ne g̵untaan, si Lazaro, edlipayen; ne sikew, edresayen.

Mateo 20:13

Ne migkeg̵iyan dutun te etew is sevaha kandan te, ‘Geli, wazè ku sikiyu lupig̵i. Su is mid-ulaula ku ne iyan neuyunan tew he tigsengeelad he pelata is idsuhul ku te uman sevaha keniyu.

Mateo 20:15

Kenè be egkehimu he iyan a ebayàbayà te kediey he selapì? Egkesina kew ve kandan tenged te ketulanged ku?’ ”