Mateo 19:15 - Manobo Western Bukidnon

¹⁵ Ne midepenetan din haazà is menge vatà ne mibpenubtuvazan din ne hein nepasad din haazà, ne mid-awà dutun.

Mateo 19:15 Referans Kwoze

2 Timoteo 3:15

ne egketenuzan nu he zengan te vatè ke pa nesavut nu en is insurat he Lalag te Megbevayà. Dutun te lalag din ebpuun is kedsavut he iyan paag̵i te kedlibriya kenita te silut emun edtuu ki ki Jesu Kristu.

1 Kurintu 7:14

Su sikiyu is nemeketuu te Nengazen tew he si Jesus he zuen esawa niw he kenà tumutuu, edtuvazan daan te Megbevayà is esawa niw tenged keniyu minsan ke wazà sikandin medtuu, ne edtuvazan din daan is menge anak niw. Su emun kenà heini tutuu, ebpekeiring is menge anak niw te menge anak te menge etew he wazà medtuu te Nengazen.

Marcos 10:16

Ne zutun midsekepu zin haazà is menge vatà ne mibpendepenetan din te palad din is menge purù dan ne midtuvazan din sikandan.

Mateo 19:14

Iyan, migkag̵i si Jesus dutun te, “Ipehendini niw te kediey heeyan is menge vatà; ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.”

Mateo 19:16

Duen menguhed he etew he mid-uvey ziyà te ki Jesus he ed-insà te, “He Menunudlù, hengkey is meupiya he ed-ul-ulahan ku wey a meveg̵ayi te untung he wazà pidtemanan?”