Mateo 18:32 - Manobo Western Bukidnon

³² Ne impetawag dutun te hadì haazà he sulug̵uen, ne migkeg̵iyan din te, ‘Uripen ka he lalung! Mibpesaylu ku sikew ne in-awè kud diyà te kenikew is utang nu tenged dà te midhangyù ka kediey.

Mateo 18:32 Referans Kwoze

Ruma 3:19

Ne netuenan ta he is ibpesavut kenita kayi te Lalag te Megbevayà, ne ibpesavut daan diyà te menge etew he nesakup te kesug̵uan he iyan key is menge Hudiyu. Ne pinaag̵i kayi egketuenan ta he wazà minsan hentei he etew he ebpekekag̵i he kenà sikandin dait he edsilutan su nekesupak te Megbevayà is tivuuk he menusiyà.

Lucas 19:22

Ne midtavak haazà is hadì te, ‘Lalung ke ves he sulug̵uen! Heeyan dà te menge lalag nu ne mibpesavut he nekesalè ke en kediey. Su netuenan nu ves he is egkekag̵i ku, ne idteg̵el ku, ne is ibpiyal ku, ne ebperetengen ku is uswag din, ne is ibpepemula ku ne ebperetengen ku is abut din. Ne utew venar heeyan.

Mateo 25:26

Ne midtavak haazà is egalen din te, ‘Utew mezaat is baal nu! Peg̵ulen ka he sulug̵uen! Netuenan nu ves he edreg̵unen ku is kenè ku pinemula ne ebpenggenansya a te wazè ku ipetig̵ayun?

Mateo 18:27

Ne nehizuwan haazà is etew zutun te hadì ne mibpesaylu zin ne wazè din en ipevayad dutun te utang din diyà te kandin. Ne impeulì din.

Mateo 18:31

Ne hein netuenan te menge zuma zin he sulug̵uen haazà is mid-ulaula zin dutun te utangan kandin ne nengepauk dan ne midhendiyè dan te egalen dan he hadì ne midtudtul zan haazà is langun he mid-ulaula zin.

Mateo 18:33

Ne maan is wazè nu mehizuwi kes duma nu he sulug̵uen iring te kegkehizuwi ku kenikew?’

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.