Mateo 16:19 - Manobo Western Bukidnon

¹⁹ Ne idsarig ku kenikew is kebayàbayà emun edhadì is Megbevayà he ziyà te langit. Ne kinahanglan he is idawey nu zini te kelibutan, indawey en he zaan te Megbevayà he ziyà te langit; ne is idtug̵ut nu zini te tanà, intug̵ut en he zaan te Megbevayà he ziyà te langit.”

Mateo 16:19 Referans Kwoze

Mateo 18:18

Ne egkeg̵iyen ku keniyu he kinahanglan he is idawey niw zini te tanà, indawey en he zaan te Megbevayà he ziyà te langit ne is idtug̵ut niw zini te tanà, intug̵ut en he zaan te Megbevayà he ziyà te langit.

Impezayag 1:18

Iyan a kes Megbevayà he wazè din kemetayen. Mibpehimatey a ne g̵untaan kenà ad maan ebpatey te minsan keenu. Iyan a ebayàbayà te menge minatey, ne zuen ku zaan keg̵ehem diyà te Iveyaan.

Impezayag 3:7

Ne ke sikandin en maan te, “Pesurati nu is belinsug̵uen te Megbevayà he ebantey te menge tumutuu ziyan te inged he Piledilpya. Ne ke sikew te, ‘Siak si Jesus is egkag̵i; iyan a sikan is egkeserig̵an he mibpilì te Megbevayà. Imbeg̵ey kedì is keg̵ehem te kedhadì te g̵inhedian ku iring te kedhadì dengan ni Hadì David. Ne emun duen ebpuwasan ku wey mekeseled dutun te g̵inhedian ku, kenè en egkelekevan te minsan hentei. Ne emun duen etew he edlekevan ku, kenè en daan egkepuwasan te minsan hentei.

Juan 20:23

Ne tenged kayi emun ebpeseyluwen niw is minsan hentei he nekesalà, ebpeseyluwen daan te Megbevayà, ne emun kenè niw ebpeseyluwen, kenà daan ebpeseyluwen te Megbevayà.”

Impezayag 11:6

Ebeg̵ayan sikandan te g̵ehem su wey zan kenà ikepevayà is menge g̵apun su wey kenà ebpekeuzan dutun te timpu te kebpenudtula zan te Lalag te Megbevayà. Ne zuen daan gehem dan wey zan mehimu he lengesa is wahig diyà te menge kalut. Ne zuen daan gehem dan wey zan mesiluti is menge etew pinaag̵i te minsan hengkey he vangkit te minsan keenu he timpu he egkesuatan dan.

2 Kurintu 2:10

Ne ke zuen etew he ebpeseyluwen niw, ebpeseyluwen ku zaan. Su penenglitan ke zuen nekesalà diyan wey ebpeseyluwen ku, netuenan ni Kristu he iyan ketezengan ke maan is ebpeseyluwen ku su wey mebmelinew is kedezepitè niw.

Impezayag 9:1

Ne midhiyup dutun te ikelima he velinsug̵uen is budyung din ne zutun neehè ku is bituen, he ke và dà egkeg̵iya, belinsug̵uen he ziyè en te tanà su neulug he ebpuun te langit. Ne imbeg̵ey ziyà te kandin is yawi he ebpekepuwas te vitu he wazà pidtemanan is kezalem din.

1 Tiselunika 4:8

Emun ebpesegdanen niw heini is penurù ku keniyu, kenè niw iyan dà egkepesagdan is penurù te etew, kekenà, iyan niw egkepesagdan is penurù te Megbevayà. Iyan sikandin kes mibeg̵ey kenitew te Wag̵as he Mulin-ulin.

Nengeulaula 15:7

Ne hein malù en netegteg̵aad dutun te kebivitiyara zan, midhitindeg si Pedro ne ke sikandin te, “Menge suled, netuenan niw he kayi te kenitew, iyan a sikan is mibpilì dengan te Megbevayà wey ku metudtul ziyà te kenà menge Hudiyu is Meupiya he Tudtulanen wey zan mekepemineg wey meketuu te Megbevayà.