Mateo 15:2 - Manobo Western Bukidnon

² “Is menge sumusundan nu, maan is edsupaken dan is menge tuluuwen he imbilinbilin kenitew te lukes tew? Su is menge sumusundan nu, kenè dan ebpenlùlù te menge velad dan te hustu he paag̵i te kegkaan te kenè dan pa ebpuun egkaan.”

Mateo 15:2 Referans Kwoze

Lucas 11:38

Ne naahà dutun te Perisiyu he migkaan si Jesus he wazè din lùlui is belad din. Ne utew sikandin neinuinu su nesupak ni Jesus is betasan te menge Perisiyu.

Marcos 7:2

Neehè dan he is duma zutun te menge sumusundan ni Jesus, edsupaken dan is tuluuwen te menge Perisiyu su ebpemengaan dan he wazè dan mebpenlùlù te menge velad dan.

Kulusas 2:8

Andam kew su kela ke zuen egkabig keniyu pinaag̵i te kebpenurù te tuluuwen he tarù ne wazè din pulus su imbilinbilin dà te menge etew. Kenà haazà hustu he tuluuwen su kenà ebpuun diyà te ki Kristu.

1 Pedro 1:18

Netuenan ta he utew mahal is imbelukas din kenita. Su nengeuripen ki zengan te menge ulaula he wazà pulus he imbilinbilin kenita te menge kepuun ta. Sikan is imbelukas din kenita, ne kenà iring te selapì wey vulawan he egkeawà is bali zin.

Marcos 7:5

Ne tenged kayi haazà is menge Perisiyu wey menge menunudlù te kesug̵uan, mid-insaan dan si Jesus te, “Maan is midlipatan en te menge sumusundan nu is imbilinbilin he tuluuwen te g̵in-epuan tew su maan is tekew zan en egkaan ne kenè dan ebpenlùlù?”

Mateo 15:3

Ne mid-insà daan si Jesus diyà te kandan te, “Ne sikiyu zaan, maan is, pinaag̵i te kedtumana niw te menge tuluuwen he imbilinbilin keniyu te menge apù niw, ne edsupaken niw is sug̵ù te Megbevaya?

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.