Mateo 10:38 - Manobo Western Bukidnon

³⁸ Minsan hentei he kenà edsundan kedì ne kenè din edtiangen is krus din, he ke và dà egkeg̵iya, kenè din edtumanen is menge sug̵ù ku su kela ke iyan ibpatey zin, kenà dait sikandin he egngezanan he sumusundan ku.

Mateo 10:38 Referans Kwoze

Lucas 14:27

Ne iring din ded daan sikan is etew he egkesuat he edsundan kediey, iyan, kenà edtiang te krus din, he ke và dà egkeg̵iya, egkehandek he edtuman te menge sug̵ù ku su kela ke iyan ibpatey zin, ne kenà daan egkehimu he tutuu sikandin he sumusundan ku.

Marcos 8:34

Ne zutun impeuvey ni Jesus diyà te kandin is menge etew wey menge sumusundan din. Ne ke sikandin te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan pa ke iyan ibpatey zin. Ne human ebpekesunud kedì.

Mateo 16:24

Ne zutun migkag̵i si Jesus diyà te menge sumusundan din te, “Ke zuen egkesuat he edsundan kedì, kinahanglan he iawè din diyà te isip din is kandin he egkesuatan he menge ulaula, ne tianga zin is krus din, he ke và dà egkeg̵iya, kinahanglan he edtumanen din is menge sug̵ù ku minsan ke iyan ibpatey zin. Ne human ebpekesunud kedì.

Juan 19:17

ne migawas dan dutun te inged ne impetiang dan ki Jesus haazà is krus he edrensangan kandin. Midhendiyè dan te egngezanan te Tulan te Ulu. (Ne te kineg̵iyan he Hibriyuhanen egngezanan te Gulguta.)

Marcos 10:21

Ne si Jesus, midtengtengan din haazà is etew su ingkehizu zin ne ke sikandin te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Mateo 27:32

Ne ziyà te zalan he ibayè dan nesinug̵ung dan is etew he tigSirini he egngezanan ki Simon. Ne mibpeg̵es dan haazà ipetiang duen te krus he edtiangen ni Jesus.