Marcos 9:42 - Manobo Western Bukidnon

⁴² Iyan, ke zuen minsan hentei he pinaag̵i kandin egkeawà is kedsarig kediey te minsan sevaha kayi te menge vatà he edtuu kediey, meupiya pa zutun he etew ke inhiket diyà te lieg din is zekelà he g̵elingan he vatu ne in-agbur sikandin diyà te lawed te zag̵at, kenà is silut kandin ke pinaag̵i kandin egkeawà is kedsarig te minsan sevaha kayi te menge vatà.

Marcos 9:42 Referans Kwoze

Mateo 18:6

Minsan hentei he etew he pinaag̵i kandin egkeawà is kedsarig kediey te sevaha he vatà, meupiya pa zutun he etew ke edhiketan is lieg din te zekelà he g̵elingan he vatu ne id-agbur ziyà te lawed te zag̵at kenà is silut kandin ke pinaag̵i kandin egkeawà is kedsarig te sevaha he vatà he iring kayi.

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

Ruma 16:17

Menge suled, edhengyuen ku keniyu he mebantey kew, ne likayi niw is menge etew he edsamuk te kebpekidsevaha niw wey kedtuu niw te menge tumutuu su edsupaken dan is tutuu he tuluuwen he impenurù keniyu.

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

2 Pedro 2:2

Ne minsan pa zutun mezakel is edsunud te meremerik he menge ulaula zan, ne pinaag̵i zutun egkesawey kiw is edsunud te tutuu he tuluuwen su kunaan te menge etew ke zuma tew sikandan.

Nengeulaula 9:4

Ne nepiley sikandin diyà te tanà ne nezineg din is egkag̵i te, “He Seulu, maan is ebpesipelahan a kenikew?”

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Ruma 15:21

Su netuman ku is insurat he Lalag te Megbevayà he edhenduen te, “Haazà is wazè pa mekezineg te ngazan din, egketuenan dan gihapun ke hentei sikandin. Ne is wazè pa metudtuli, duen timpu he human dan ebpekesavut.”

Mateo 17:27

Asal, kenà meupiya he mepauk kenita heini is menge menunukut te ibayad dutun te Valey te Megbevayà. Hendiyè ka te ranew ne pemunuwit ka. Ne zutun te vèbà te pait he egkehuna nu egkeutel, egkeehè nu is selapì. Kuwaa nu haazà is selapì ne ivayad nu kayi te edsukuten kenita he ibayad te Valey te Megbevayà.”