Marcos 9:12 - Manobo Western Bukidnon

¹² Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Marcos 9:12 Referans Kwoze

Lucas 23:11

Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Lucas 1:76

Ne zutun migkeg̵iyan ni Zacarias haazà is anak din te, “Ne sikew, anak ku, iyan ka egeraran keuzemà he ebpeneuven te utew lavew he Megbevayà. Edsug̵uen ke zin he ibpehuna zuen te Nengazen tew su wey nu mekeg̵iyi is menge etew he endami zan is kebpekeuma zin.

Lucas 23:39

Ne is sevaha zutun te zezuwa he tulisan he inransang diyà te pesikilizà ni Jesus, ne edsumpalit en daan kandin. Ke sikandin te, “Emun tutuu iyan he iyan ka sikan is hadì he mibpilì te Megbevayà ne hante kun be iyan, libriya nu is lawa nu keniyan ne libriya key zaan kenikew.”

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Marcos 9:13

Netuman en sikan is kedlepew ni Elias, ne midrasey zan en sikandin sumalà is egkesuatan dan he ed-ul-ulahan diyà te kandin su iyan heini tagnà he egkevasa ta ziyà te insurat he Lalag te Megbevayà.”

Marcos 9:31

su wey kenà sikandin mesemuki is ebpenurù te menge sumusundan din. Ne ke sikandin diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan, iyan, seled te tetelu he andew zutun egkevanhew a.”

Marcos 10:33

Ke sikandin te, “Netuenan niw he edhendiyè kiw te Hiruselim ne emun ebpekeuma kiw zutun, siak is Kakey te Menusiyà, ibpalad a ziyà te menge punuan he menge memumuhat wey menge menunudlù te kesug̵uan. Ne egkeuyun dan he ebpehimetayan a ne ibpalad e zan daan diyà te menge etew he kenà menge Hudiyu.

Nengeulaula 1:6

Ne zuen timpu he nengetig̵um dan en maan. Ne mid-insaan dan si Jesus, ke sikandan te, “Nengazen, iyan en be heini sikan is timpu te kedtevangi nu kenami te menge kevuwazan ni Israyil su wey iulì dini te kenami he inged he Israyil kes daan he keg̵ehem dey he edhedian key te keugelingen dey he hadì?”

Nengeulaula 4:11

Iyan si Jesus kes batu he netagnà te insurat dengan he Lalag te Megbevayà he edhenduen te, ‘Sikan is batu he himan te valey, mid-engkezan niw te menge pandey su kunaan niw ke wazè din pulus. Iyan, nehimu en heini g̵untaan he vatu he iyan dà igkepurungi te valey.’