Marcos 8:2 - Manobo Western Bukidnon

² “Kehizu kayi te menge etew su tetelu en he kezukileman is wazè dan medsuwey kenitew ne wazè dan en egkekaan.

Marcos 8:2 Referans Kwoze

Mateo 9:36

Ne kada zin egkeahà is mezakel he menge etew zutun, egkengehizuwan din sikandan su mezakel is menge seeng dan ne wazà ebpeketavang kandan. Iring sikandan te menge ayam he kerehidu he wazà ed-elima kandan.

Hibriyuhanen 5:2

Ne tenged te etew zà duen sikandin he layun egkesayep, egkehimu he mepelevayen sikandin te menge zuma zin he etew he egkengesayep daan tenged te kenè dan ebpekesavut.

Hibriyuhanen 4:15

Ne heini si Jesus is lavew he memumuhat tew, nesavut din is keg̵uyè tew tenged te kememenusiyai tew su neseg̵azan din he mibpenulayan sikandin dengan ni Setanas te minsan hengkey he paag̵i iring te ebpenulayan kiw zaan, iyan, wazà mulà sikandin mepenulayi.

Lucas 15:20

Ne iyan dà haazà neisip din ne zutun midtandang sikandin med-ulì. Ne meziyù pa sikandin ne nepantew en dutun te amey zin. Ne utew nehizu haazà is amey zin he ed-ahà kandin. Ne mibpelelag̵uy is amey zin he edsinug̵ung kandin ne migkepkepan ne midhezekan sikandin te amey zin.

Lucas 7:13

Ne is Nengazen he si Jesus, hein neehè din haazà is bahi he edsineg̵ew ne midtavang is gehinawa zin ne migkeg̵iyan din haazà is bahi te, “Ayà, kenè ka sineg̵ew.”

Marcos 9:22

Su is mezaat he mulin-ulin, layun din edhimuwa he mekeagbur ziyà te hapuy wey ziyà te wahig su edhimetayan din. Ne emun duen egkehimu nu, ne ikehizu key kenikew ne iawè nu ziyà te kandin heeyan is egezamen din.”

Marcos 6:34

Ne hein migaun si Jesus puun dutun te avang ne neehè din he nengeamur-amur zutun is utew mezakel he menge etew. Ne nehizuwan din sikandan su henduen be sikandan te menge ayam he kerehidu he wazà ed-elima kandan. Utew zan mekehizuhizu. Umba, mezakel is impenurù din kandan dutun.

Marcos 5:19

Iyan, wazà medtug̵ut si Jesus he meduma kandin haazà is etew, kekenà, migkeg̵iyan din te, “Ulì ke en ne tudtula nu te kezuzumahi nu is utew zekelà he utew meupiya he midhimu te Nengazen diyà te kenikew wey is hizu zin kenikew.”

Marcos 1:41

Ne nehizuwan sikandin ni Jesus ne midampè din te egkag̵i te, “Utew meupiya te g̵ehinawa ku; meulii ka.”

Mateo 20:34

Ne nehizuwan sikandan ni Jesus ne midampè din is menge mata zan. Ne zutundutun nepuwasan is ked-ehè dan, ne miduma zan ki Jesus.

Mateo 14:14

Ne hein nekezunggù ensi Jesus, neehè din is mezakel he menge etew. Ne utew zin nengehizuwi sikandan ne mibewian din is egkengezeruwan dutun ne nengeulian.

Hibriyuhanen 2:17

Umba kinahanglan he ebpeetew sikandin su wey mehimu sikandin he iring kenitew te menge suled din te minsan hengkey he paag̵i. Ne mid-ulaula zin heini su wey mehimu sikandin diyà te etuvangan te Megbevayà he iring te lavew he memumuhat tew he utew hihizuwen wey metinumanen su wey zin mepalis is menge salè tew.

Marcos 6:32

Ne zutun mid-untud dan te avang su edhendiyè dan te tanà he wazà duen menge etew.

Marcos 8:3

Ne emun ibpeulì ku sikandan te wazè dan mekekaan kela ke luyahi sikandan diyà te zalan, su is duma kandan ne meziyù is ed-ubpaan.”