Marcos 5:19 - Manobo Western Bukidnon

¹⁹ Iyan, wazà medtug̵ut si Jesus he meduma kandin haazà is etew, kekenà, migkeg̵iyan din te, “Ulì ke en ne tudtula nu te kezuzumahi nu is utew zekelà he utew meupiya he midhimu te Nengazen diyà te kenikew wey is hizu zin kenikew.”

Marcos 5:19 Referans Kwoze

Juan 4:29

“Hendiyè kiw en wey niw maahà is etew he neketagnà te langun he nengeveelan ku. Kela ke iyan sikandin sikan is mibpilì te Megbevayà he ibpahadì.”

Lucas 8:39

“Ulì ke en ne tudtula nu ke hengkey is utew meupiya he midhimu te Megbevayà kenikew.” Ne zutun, mid-ulì haazà is maama ne mibpenudtul zin duen te langun he menge meg̵inged dutun ke hengkey is midhimu ni Jesus diyà te kandin.

Marcos 5:20

Ne zutun migenat haazà is etew, ne midtukid din is menge inged diyà te prubinsya he Dikepulis, ne mibpenudtul zin is langun he meupiya he midhimu ni Jesus diyà te kandin. Ne nengeinuinu is langun he menge etew zutun.