Marcos 5:12 - Manobo Western Bukidnon

¹² Ne sikan is menge mezaat he mulin-ulin, midhangyù dan diyà te ki Jesus te, “Ipehendutun key te menge vavuy wey key mekesuuk diyà te kandan.”

Marcos 5:12 Referans Kwoze

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

2 Kurintu 2:11

Ne umba ed-ul-ulahan ku heini su wey kenè kiw meekali ni Setanas. Netuenan tew ke hengkey is mezaat he edhimuwen din pezem dini te kenitew.

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 7:6

Ne zutun insempità ni Jesus is menge etew he kenà egkesuat he ebpemineg te Lalag te Megbevayà. Ke sikandin te, “Kenè niw iveg̵ey te asu is butang he mahal ziyà te Megbevayà su kela ke keg̵ata kew zin. Ne kenè niw zaan isawed is menge mahal he ebelieg̵en diyà te etuvangan te menge vavuy su egketekutakan dan dà.

Marcos 5:11

Ne te uvey zutun duen utew mezakel he menge vavuy he ebpemenuwal ziyà te kelendig̵an.

Marcos 5:13

Ne midtug̵utan ni Jesus sikandan. Ne zutun nemengguwà haazà is menge mezaat he mulin-ulin puun dutun te etew ne midsuuk sikandan duen te menge vavuy. Haazà is menge vavuy, menge zezuwa he libu sikandan, ne nemelelag̵uy zan petupang dutun te utew mesilid he kelendig̵an ne mid-agbur zan diyà te ranew zutun ne nengelened dan maamin.