Marcos 4:12 - Manobo Western Bukidnon

¹² ‘Su zutun ebpurung dan edtengteng, iyan, kenè dan egkeahà, he ke và dà egkeg̵iya, ebpemineg dan, iyan, henduen be te wazè dan mekezineg su kenè dan edsevuten. Su emun egkesavut dan ed-engkezan dan is memezaat he ulaula zan ne egkepesaylu sikandan te Megbevayà!’ ”

Marcos 4:12 Referans Kwoze

Lucas 8:10

Ne midtavak si Jesus te, “Sikan is in-eles dengan mehitenged te kedhadì te Megbevayà, ibpesavut ku en keniyu te menge sumusundan ku, iyan, is menge zuma he menge etew he kenè dan edsundan kedì, ibpenurù ku kandan pinaag̵i te menge sempità su wey minsan edtengteng dan, kenè dan ebpekeahà ne minsan ebpemineg dan ne kenè dan ebpekesavut.”

2 Timoteo 2:25

Emun menayù is kebpenurua zin te menge kuntada zin, kela ke mahalin te Megbevayà is gehinawa zan wey zan mesavut is tutuu he tuluuwen.

Nengeulaula 3:19

Ne g̵untaan kinahanglan he ed-iniyug̵an tew en is memezaat he ulaula. Ed-empuan tew is Nengazen ne ebpeseyluwen kiw zin te menge salè tew. Ne zutun duen timpu he ebeg̵ayan is gehinawa tew te zesen he ziyà ebpuun te kandin.

Marcos 8:18

Duen niw mata, iyan, henduen be te kenè kew ebpekeahà. Duen niw telinga ne henduen be te kenè kew ebpekezineg. Nengelipatan niw ve sikan is mid-ulaula ku?