Marcos 16:1 - Manobo Western Bukidnon

¹ Ne hein neiwas dutun is Andew te Kedhimeley, si Maria Megdelina, wey si Maria he iney ni Santiago, wey si Selumi, mibpemasa zan te pehemut su edhendiyè dan te penlevengà wey zan ikehaplas haazà is pehemut te lawa ni Jesus.

Marcos 16:1 Referans Kwoze

Lucas 23:56

Ne zutun mid-ulì dan su ed-endamen dan is menge mehemut he sulù wey lana he idhaplas te lawa ni Jesus. Ne zutun te Andew te Kedhimeley, wazè dan mebaal su edtumanen dan is insug̵ù dutun te kesug̵uan he imbilinbilin kandan.

Marcos 15:40

Ne zutun te malù meziyù, duen daan menge vahi he ed-ahà. Ne zutun si Maria Megdelina, si Maria he iney ni Jose wey ni Santiago he zeisek. Ne elin daan dutun si Selumi.

Juan 19:31

Mahapun haazà ne iyan andew te kedteg̵anaha te Pista te Kedlevayi. Is menge punuan he menge Hudiyu, midhendiyè dan te ki Pilatu ne midhangyù dan he ipepenlepui zin is menge paa zuen te impenransang te krus wey mebpematey su wey mehimu he ikeawà is menge lawa zan puun te krus te kenè pa Andew te Kedhimeley. Su haazà he Andew te Kedhimeley, utew mahal he andew ziyà te menge Hudiyu.

Juan 19:25

Ne zutun te uvey te krus ni Jesus, edhithitindeg is iney zin ne zutun daan sikan is suled he vahi te iney ni Jesus, wey si Maria kes esawa ni Kelupas, wey elin daan si Maria Megdelina.

Marcos 16:8

Ne zutun nemengguwè dan dutun te penlevengà is ebpemelelag̵uy su utew zan nengeinuinu wey nengehandek. Ne tenged kayi wazè dan tudtula heini ziyà te minsan hentei su nengehandek dan.

Marcos 15:47

Ne si Maria Megdelina wey si Maria he iney ni Jose, neehè dan haazà ke hendei isavuk is lawa ni Jesus.

Marcos 14:8

Sumalà is egkehimu kayi te vahi ne midhimu zin en dini te kedì. Mid-egwahan e zin he zaan wey meteg̵ana is lawa ku te kedlevenga kedì.

Marcos 14:3

Ne sevaha he timpu zutun he ziyà si Jesus te inged he Bitanya, diyà sikandin te valey ni Simon te it-iten he neulian en. Ne zutun te egkaan dan, nekeuma is bahi he ed-uwit te pelenahan he mibeelan puun te vatu he elebastru he midteg̵uan haazà is pelenahan te mehemut he agwa he mahal utew su lunsey he nardu. Ne mid-uvayan si Jesus dutun te vahi ne midrupet din haazà is bivig dutun te pelenahan ne imbusbus din diyà te ulu ni Jesus haazà is agwa.

Lucas 23:54

Mahapun en haazà dutun te andew he Birnis ne emun edsanlep en dutun is andew ne iyan puunà te Andew te Kedhimeley.

Marcos 15:42

Ne hein mahapun en dutun te andew te kedteg̵ana he egkesunuzan te Andew te Kedhimeley, nekeuma si Jose he tig-Erimetiya. Sevaha sikandin he telehuzen he egalen te menge Hudiyu. Sevaha sikandin te menge etew he ebperateng te kegketuman te nengetagnà mehitenged te kedhadì te Megbevayà. Ne zutun, in-awè din diyà te g̵ehinawa zin is kegkehandek din ne midhendiyà te ki Pilatu ne midhangyù he egkuwaan din is lawa ni Jesus.

Marcos 16:2

Ne te meselem dutun te iyan pa kedsilà te andew zutun te egkehuna he andew te simana, nemenhendutun dan te midlevengan ki Jesus.

Lucas 24:1

Ne hein neiwas is Andew te Kedhimeley te kegkepawè din dutun te andew he Duminggu, mibpehendiyè en maan haazà is menge vahi te midlevengan ki Jesus ne mid-uwit dan sikan is menge mehemut he idhaplas he mid-andam dan.