Marcos 15:40 - Manobo Western Bukidnon

⁴⁰ Ne zutun te malù meziyù, duen daan menge vahi he ed-ahà. Ne zutun si Maria Megdelina, si Maria he iney ni Jose wey ni Santiago he zeisek. Ne elin daan dutun si Selumi.

Marcos 15:40 Referans Kwoze

Lucas 23:49

Ne is langun he menge emig̵u ni Jesus, ragkes is menge vahi he nemendumazuma kandin he ebpemuun te Geliliya, ne ziyè dan te malù meziyù is ebantey zutun te langun he neulaula.

Marcos 16:9

Ne te meselem pa utew zutun te andew he Duminggu hein nevanhew en si Jesus, midhuna sikandin mebpaahà diyà te ki Maria Megdelina, sikan is bahi he mibpeg̵uwaan din dengan te pitu he mezaat he mulin-ulin.

Mateo 28:1

Ne hein neiwas haazà is Andew te Kedhimeley te meg̵aan egkepawà dutun te andew he Duminggu, midhendiyà te penlevengà ensi Maria Megdelina wey kes duma zin, he Maria zaan is ngazan, su ed-ahaan dan sikan is surung.

Mateo 27:61

Ne si Maria Megdelina, wey sikan is sevaha he Maria, dutun dan ebpimpinuu is ebantey zutun te surung.

Mateo 13:55

Anak dà sikandin te pandey. Ne si Maria is iney zin; ne menge hazi zin, ensi Santiago, si Jose, si Simon, wey si Hudas.

1 Kurintu 9:5

Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.

Marcos 15:47

Ne si Maria Megdelina wey si Maria he iney ni Jose, neehè dan haazà ke hendei isavuk is lawa ni Jesus.

Santiago 1:1

Iyan a si Santiago is teg̵isurat kayi. Sulug̵uen a te Megbevayà wey te Nengazen tew he si Jesu Kristu. Kemusta kew is langun he menge g̵aked te Megbevayà he nekedsusuwey zini te tungkup te kelibutan.

Gelasya 1:19

Ne neehè ku zaan dutun si Santiago, sikan is hazi te Nengazen tew he si Jesus, ne wazà duma he epustul he neehè ku zutun, iyan dà sikandan is dezuwa.

Mateo 10:3

Ne zutun daan si Felipe, si Bartolomeo, si Tomas, si Mateo he iyan kes menunukut te vuhis wey si Santiago he anak ni Alpiyu. Duen daan si Tediyu,

Marcos 16:1

Ne hein neiwas dutun is Andew te Kedhimeley, si Maria Megdelina, wey si Maria he iney ni Santiago, wey si Selumi, mibpemasa zan te pehemut su edhendiyè dan te penlevengà wey zan ikehaplas haazà is pehemut te lawa ni Jesus.

Lucas 19:3

Egkesuat pezem sikandin he mekeahà ki Jesus, iyan, kenè din egkeahà geina te nepurung en si Jesus melinguti te menge etew ne mevavà daan he etew si Sekiyu.