Marcos 15:32 - Manobo Western Bukidnon

³² Sikew is uvag Kristu he hadì dey te menge Hudiyu, penaug ke en keniyan te krus ne edtuuwan dey sikew!” Ne sikan daan is dezuwa he inransang diyà te pesikilizè din, ne midsumpalit dan daan kandin.

Marcos 15:32 Referans Kwoze

Mateo 27:44

Ne minsan sikan is menge tulisan he inransang diyà te pesikilizè din, ne midsumpalit dan daan sikandin.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

Mateo 1:17

Sepulù wey heepat he lapis te kevuwazan ebpuun dà te kegkevuwad ni Abraham taman ki David. Ne ebpuun maan te kegkevuwad ni David taman te ked-uwita te menge tig-Israyil pehendiyà te Bebilunya, sepulù wey heepat daan he lapis. Ne puun dutun taman te ked-enaka ki Jesu Kristu, sepulù ded daan wey heepat he lapis.

Ruma 3:3

Ne minsan pa te zuen menge zuma zey te menge Hudiyu he wazà mebpemineg te Lalag te Megbevayà, kenà egkehimu he kenà edtumanen te Megbevayà is impenaad din dengan.

Juan 12:13

Ne migkuwa zan te menge zehunen he subpang, ne migawas dan dutun te inged su edsinug̵ungen dan si Jesus. Migkag̵i zan te, “Delig̵a is Nengazen! Delig̵a zaan heini is ebpekeuma he midsug̵ù te Nengazen! Is hadì tew te menge kevuwazan ni Israyil, berakat he tuvazi sikandin te Megbevayà!”

Juan 1:49

Ne zutun migkag̵i si Natanael te, “Datù, tutuu ves iyan he iyan ka sikan is Anak te Megbevayà; iyan ka sikan is netagnà he hadì dey te menge kevuwazan ni Israyil.”

Marcos 15:26

Insurat dan sikan is insumbunga kandin he egkag̵i te, “Is Hadì te Menge Hudiyu.”

Mateo 27:42

ke sikandan te, “Nelibri zin is duma, iyan, is keugelingen din, kenè din egkelibri. Hadì bes sikandin te menge tig-Israyil. Ipepenaug keniyan te krus ne egkesundanan human.

Marcos 15:27

Ne zuen dezuwa he tulisan he inransang dan daan te krus. Is krus te sevaha, ne ziyè dan ipasek te zapit te egkekewanan ni Jesus, ne is sevaha zutun, ne ziyà te zapit te egkeg̵ivang din.