Marcos 15:14 - Manobo Western Bukidnon

¹⁴ Ne ke si Pilatu te, “Maan? Duen be mezaat he mid-ulaula zin?” Iyan, mid-iseg is keg̵urub dutun te menge etew he ebpememensag te, “Iransang te krus!”

Marcos 15:14 Referans Kwoze

Lucas 23:41

iyan, sikita is dezuwa, ne engayan en he edhimetayan ki su id-ulì dini te kenita is kelelalung ta. Iyan, heini he etew mulà, ne wazè nehimu zin he mezaat.”

1 Pedro 1:19

Iyan imbelukas din si Kristu he impelengesa he utew mevali. Iring sikandin te nati he kerehidu he wazà igkesawey zuen he impemuhat.

Hibriyuhanen 7:26

Iyan si Jesus lavew he memumuhat he egkinehenglanen tew su wazà igkesewayi te menge ulaula zin, wazè din salà, ne wazè din sayep. Ne kenà sikandin iring te menge mekesesalà he menusiyà, ne midhimu sikandin te Megbevayà he lavew te minsan hentei ziyà te langit.

Nengeulaula 19:34

Iyan, hein netuenan dan he Hudiyu sikandin, mibpememensag dan med-uman te, “Lavew si Diana he edsimbahan tew te tig-Ipisu.” Ne seled te zezuwa he uras is kepememensag dan dutun.

Juan 19:6

Ne is menge punuan he memumuhat wey is menge pulis, hein neehè dan si Jesus, mibpememensag dan te, “Himetayi, iransang te krus!” Ne midtavak si Pilatu te, “Iyan kew medransang kandin te krus su siak, wazè ku egketuenan he salè din!”

Juan 18:38

Ne zutun migkag̵i si Pilatu te, “Meupiya pezem ke zuen netau te tutuu he tuluuwen.” Ne zutun te nekag̵i zin heini, midlawang en maan si Pilatu ziyà te menge Hudiyu ne ke sikandin diyà te kandan te, “Wazè ku egketuenan he salè din.

Lucas 23:47

Ne zutun, sikan is kepitan te menge sundaru zutun, hein neehè din heini is neulaula ne nekezalig te Megbevayà, ke sikandin te, “Tutuu ves iyan he wazà mezaat he ulaula kayi he etew!”

Lucas 23:21

iyan, nasì mid-iseg sikandan mebpememensag he egkag̵i te, “Iransang te krus! Iransang te krus!”

Lucas 23:4

Ne zutun migkag̵i si Pilatu ziyà te menge punuan he memumuhat wey menge etew te, “Wazà netuenan ku he engayan he idsiluti kayi te etew,” ke sikandin.

Mateo 27:54

Sikan is menge sundaru wey sikan is kepitan dan he mibantey ki Jesus, hein midtik-ew medlinug wey hein nengeehè dan is duma pa he nengehitavù dutun ne nengehandek dan. Ke sikandan te, “Tutuu ves iyan he Anak sikandin te Megbevayà!” egkag̵i zan.

Mateo 27:19

Ne te kemulu pa si Pilatu ebpimpinuu zutun te valey he ebpenhusayan, nekeuma is surat te esawa zin he egkag̵i te, “Kenè nu hileveti heeyan he etew su wazè din salà. Nerasey a utew g̵eina te mezukilem su mideetan a tenged kandin,” ke sikandin.

Mateo 27:4

“Nekesalà a,” ke sikandin, “su sikan is etew he migkag̵i niw he zait is ulaula zin he igkehimetayi kandin, wazè din salà ne iyan a mibpalad kandin diyan te keniyu.” Ne midtavak dan te, “Wazè dey lavet keniyan; kenikew zà heeyan he samuk.”

Marcos 15:13

Ne nememensag haazà is menge etew te, “Iransang te krus!”

Marcos 15:15

Ne zutun midlibri ni Pilatu si Berabas wey zin mepenunuat is gehinawa zutun te menge etew. Ne impevug̵el zin si Jesus ne insug̵ù din te menge sundaru he iransang diyà te krus.

Nengeulaula 13:28

Ne minsan pa zutun te wazè dan naahà he salà he zait he idhimetayi kandin, midhangyù dan si Gubirnedur Pilatu he pehimetayi zin si Jesus.