Marcos 14:41 - Manobo Western Bukidnon

⁴¹ Ne netegteg̵aad pa zutun midlikuan din en maan sikandan te iketelu, ne ke sikandin diyà te kandan te, “Kemulu kew ves nehurep he ebpemenhidhizeg̵à? Netengkaan en heeyan su iyan en heini timpu he siak is Kakey te Menusiyà, ibpalad a ziyà te menge lalung he etew.

Marcos 14:41 Referans Kwoze

Marcos 14:35

Ne midlaus pa sikandin diyà te egkehunaan dutun ne midlangkeb diyà te tanà ne mid-ampù diyà te Megbevayà he ke egkehimu pa ne kenè en kandin ipeseg̵azan haazà is merasey he imbanglis kandin.

Marcos 9:31

su wey kenà sikandin mesemuki is ebpenurù te menge sumusundan din. Ne ke sikandin diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan, iyan, seled te tetelu he andew zutun egkevanhew a.”

Juan 17:1

Ne hein nekepasad si Jesus dutun he egkag̵i, midlingahà diyà te langit ne ke sikandin te, “Amà, iyan en heini sikan is netagnà he timpu. Ipeehè nu en is dekelà he bentug̵an ku te Anak nu wey ku zaan ikepaahà is kezekelà te kenikew he bentug̵an.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Juan 12:27

Utew mesakit is gehinawa ku g̵untaan. Hengkey vuwa is egkeg̵iyen ku? Kenà egkehimu he edhengyuen ku ziyà te Amey ku he kenè din ipaantus kediey heini is ebpeebuten ku he utew merasey, su umba midhendini a te kelibutan su wey ku meseg̵azi heini is ibpaantus kedì.”

Juan 12:23

Ne migkag̵i si Jesus te, “Egkesipeg̵an en utew is timpu he ibpeg̵awag̵awa ziyà te minsan hentei is utew ku kebpekelavew te langun.

Juan 8:20

Heini migkag̵i ni Jesus dutun te kebpenurù din diyà te simbahan he Valey te Megbevayà, diyà te rug̵u he egngezanan te Selevukà te Lugbak. Wazà midakep kandin dutun su wazè pa itug̵ut te Megbevayà.

Juan 7:30

Ne edekepen dan pezem si Jesus dutun, iyan, wazà nekeaku he egawed kandin su wazè pa itug̵ut te Megbevayà.

Marcos 14:18

Ne te ziyè dan te lemisahan su kemulu zan pa egkaan, migkag̵i si Jesus te, “Duen egkeg̵iyen ku keniyu. Iyan is: sevaha keniyu kayi te ebpemengaan guntaan he zuma ku is ed-akal kedì wey a mehimetayi.”

Marcos 14:10

Ne zutun, si Hudas he tigKeriyuti, sevaha zutun te sepulù wey zezuwa he menge sumusundan din, midhendiyà sikandin te menge punuan he memumuhat su ibpalad din si Jesus diyà te kandan.

Marcos 7:9

Ne mid-uman megkag̵i si Jesus te, “Utew kew metau te paag̵i te ked-engkezi niw te insug̵ù te Megbevayà wey niw mepurungi te edtuman is kesug̵uan he mibeelan te etew.

Mateo 26:2

“Netuenan niw he mekezuwa zà guntaan ne egketuman en sikan is pista he egngezanan te Pista te Kedlevayi. Ne zutun, siak is Kakey te Menusiyà, ibpalad a ziyà te menge etew wey e zan ikeransang te krus,” ke sikandin.

Marcos 14:40

Ne zutun midlikuan din haazà is menge sumusundan din, ne neehè din he nemekelipezeng dan su wazè dan maantus is kebpemetpetayi kandan te tuzug. Ne zutun wazè dan egketuenan ke hengkey is ibpengetezengan dan diyà te ki Jesus.

Marcos 14:42

Enew kew su heini en sikan is etew he ed-akal kedì. Edsinug̵ungen tew.”