Marcos 13:32 - Manobo Western Bukidnon

³² Is Amey tew he Megbevayà, iyan dà nesayud ke keenu egketuman heini is langun. Ne g̵awas kandin wazè en nesayud te andew wey uras ke keenu heini egkehitavù. Is menge velinsug̵uen te Megbevayà diyà te langit, wazè dan mesayud wey minsan siak is Anak te Megbevayà, wazà a zaan mesayud.

Marcos 13:32 Referans Kwoze

Nengeulaula 1:7

Ne midtavak si Jesus te, “Iyan dà is Amey tew he Megbevayà duen din keg̵ehem te kegketau ke keenu he timpu egketuman is ebeelan din, ne wazà itug̵ut keniyu is kegketueni kayi.

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.

Mateo 25:6

Ne hein metaneb en dutun is kezukileman ne nezineg dan is ed-umew te, ‘Heini en sikan is ebpengesawa; sinug̵unga niw en sikandin.’

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

Mateo 25:19

Ne hein neug̵et dutun, mid-ulì haazà is egalen dan su edsusiyen din haazà is selapì din.

Impezayag 1:1

Iyan heini kedtudtula te impezayag ni Jesu Kristu. Insarig heini kandin te Megbevayà wey zin daan ikepesavut diyà te menge sulug̵uen te Megbevayà ke hengkey is meg̵aan en he egkengeulaula. Impesavut heini ni Kristu pinaag̵i te kedsug̵ua zin te velinsug̵uen din diyà te kediey te sulug̵uen din he si Juan.

Marcos 13:31

Egkehanew is langit wey tanà, iyan, heini is migkag̵i ku, kenà mulà egkehanew te minsan keenu.