Marcos 13:27 - Manobo Western Bukidnon

²⁷ Ne zutun edsug̵uen ku is menge velinsug̵uen ku pehendiyà te heepat he pesag̵ì kayi te kelibutan. Ne edtig̵umen dan is menge pinilì ku he etew he ebpuun te minsan hendei kayi te lumpad te kelibutan.

Marcos 13:27 Referans Kwoze

Mateo 24:31

Ne zutun edsug̵uen ku is menge velinsug̵uen ku ziyà te heepat he pesag̵i kayi te kelibutan ne ibpezag̵ing is budyung ne edtig̵umen dan is menge pinilì ku he etew he ebpemuun diyà te minsan hendei kayi te tivuuk he kelibutan.

2 Tiselunika 2:1

Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew.

Lucas 16:22

Ne wazà utew meug̵et dutun ne minatey haazà is ayuayu he si Lazaro ne mid-angey sikandin te menge velinsug̵uen te Megbevayà ne insavuk dan diyà te uvey ni Abraham te kepuun te menge Hudiyu. Ne zutun daan he timpu ne minatey zaan haazà is sepian he etew ne inleveng sikandin.

Marcos 13:20

Midterinan en te Nengazen haazà is timpu te kemeresayan su emun wazà, ne egkelimas dutun is tivuuk he menusiyà. Iyan, tenged te hizu zin te menge pinilì din he menge etew, midterinan din haazà is timpu te kemeresayan.

Mateo 13:41

su siak is Kakey te Menusiyà, edsug̵uen ku is menge velinsug̵uen ku ne id-awè dan puun te g̵inhedian ku is ebpemenuley wey is ebpemen-ulaula te mezaat.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

Kulusas 3:12

Ne, menge suled, geina te mibpilì kiw te Megbevayà, ne midhimu kiw zin he menge g̵aked din, wey g̵eina te mahal kiw ziyà te g̵ehinawa zin, kinahanglan he zekelà is hizu ta wey g̵ag̵ew ta ziyà te minsan hentei. Ebpurungan ta is menge zuma ta ne kenè ki ebpelavew. Kinahanglan he mepelevayen ki layun.

Ruma 8:33

Ne wazà ebpekesumbung kenita te mibpilì te Megbevayà su is Megbevayà, mid-isip ki zin en he metazeng.

Juan 11:52

Ne kenà tenged te menge Hudiyu zà su netagnè din daan he pinaag̵i te kebpatey ni Jesus egkesevaha is langun he menge etew he egkehimu he menge anak te Megbevayà minsan hendei he inged.

Juan 10:16

Ne zuen pa menge kerehidu ku, he ke và dà egkeg̵iya, menge g̵aked ku he etew, he kenà kayi te seled te ginhedian te menge Hudiyu. Ed-uwiten ku zaan sikandan ne ebpemineg dan kedì. Ne zutun sebsevaha zà is tudil ne sebsevaha zà daan is ed-elima kandan su iyan e zà.

Lucas 18:7

Su emun nehimu he midtevangan din haazà is bahi, iyan pe be kenà tevangi te Megbevayà sikiyu is menge nengepilì din he etew he ebpenigudu ed-ampù diyà te kandin te mezukilem wey maandew.

Marcos 13:22

Su ebpenlepew is teruen he etew he egkeg̵iyen dan he iyan sikandan sikan is hadì he mibpilì te Megbevayà wey ke egkeg̵iyen dan be he ebpeneuven sikandan te Megbevayà. Ne ebpemeehè dan te egkengein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 24:24

Su zuen ebpemenlepew he menge teruen. Ne egkag̵i is kada sevaha kandan te, ‘Iyan a sikan is hadì,’ ne emun kenà, ne ke sikandin te, ‘Ebpeneuven a te Megbevayà.’ Ne ebpemeehè dan te egkein-inuwan wey menge singyal su ibpetuu zan pezem te menge tarù dan, ke egkehimu, is menge pinilì te Megbevayà.

Mateo 24:22

Iyan, midterinan en te Megbevayà is timpu zutun te kemeresayan su emun wazà, egkelimas dutun is tivuuk he menusiyà. Iyan, tenged te egkehizuwan din is menge pinilì din he etew, midterinan din is timpu zutun te kemeresayan.

Mateo 13:49

Ne keuzemà te ketepusan he timpu, iring kayi is egkeulaula su ebpenhipanew is menge velinsug̵uen te Megbevayà ne edtepizen dan is menge lalung wey menge metazeng he etew.

Mateo 12:42

Keuzemà te andew te kedhukum edsewayen kew zaan duen te singyuda zengan he ziyà ebpuun te inged he Siba su utew meziyù is midhipenawan din te kebpemineg dà te penurù ni Hadì Sulumun te utew metau. Ne g̵untaan duen ebpenurù he lavew pa kenà si Sulumun dini te keniyu ne sikiyu mulà, wazè niw zewata is penurù din.

Marcos 13:28

Isipa niw heini is impenurù ku keniyu pinaag̵i te sempità he kayu he igira. Dini te kenita, emun ebpeneringsing en is subpang din ne ebpenlumbey en, egketuenan ta he meg̵aan en is gulavung.