Marcos 11:4 - Manobo Western Bukidnon

⁴ Ne zutun migenat haazà is dezuwa, ne neehè dan haazà is nati he asnu ziyà te kilid te zalan su intagkes diyà te uvey te g̵emawan te sevaha he valey.

Marcos 11:4 Referans Kwoze

Hibriyuhanen 11:8

Ne si Abraham daan, duen kandin he kedtuu. Su neketuu sikandin te Lalag te Megbevayà he ewai zin is inged din ne medhendiyà te selakew en he tanà he impenaad te Megbevayà he ibeg̵ey ziyà te kandin wey ziyà te menge kevuwazan din. Ne zutun mid-ewaan din is kandin he inged minsan pa te wazè din hanew zutun te tanà he impenaad kandin.

Juan 2:5

Ne is iney zin, migkeg̵iyan din is menge sulug̵uen te, “Tumana niw is minsan hengkey he sug̵ù din keniyu.”

Mateo 26:19

Ne mid-ulaula te menge sumusundan ni Jesus haazà is insug̵ù din kandan ne midteg̵ana zan is idlavung dan dutun te Pista te Kedlevayi.

Mateo 21:2

ke sikandin te, “Hendutun kew te inged he egkeumahan tew. Ne egkeehè niw zutun is intagkes he asnu he zuen din nati. Hekazi niw ne uwita niw zini zuma is nati zin.

Marcos 11:3

Ne ke zuen ed-insà keniyu ke maan is egkuwaan niw haazà is asnu, keg̵iyi niw te, ‘Egkinehenglanen heini te egalen tew he si Jesus ne id-ulì dà kan.’ ”

Marcos 11:5

Ne hein edhekazan dan en, duen menge etew zutun he mid-insà kandan te, “Ebmenuwen niw heeyan? Maan is edhekazan niw?”