Marcos 10:47 - Manobo Western Bukidnon

⁴⁷ Ne hein nezineg din he iyan ensi Jesus he tigNeserit haazà is edsag̵ad, ne mibpekezag̵ing sikandin is ed-umew te, “He Jesus he kevuwazan te hadì dengan he si David, kehizuwi a kenikew!”

Marcos 10:47 Referans Kwoze

Marcos 1:24

Ne hein neehè din si Jesus, mibensag sikandin is egkag̵i te, “Sikew, Jesus he tigNeserit, hengkey is lavet nu kenami te menge mulin-ulin? Kela ke iyan inhendini nu is edezeetan key kenikew. Egkekilala ku sikew; iyan ka kes hadì he mibpilì te Megbevayà!”

Impezayag 22:16

“Siak si Jesus, midsug̵ù ku ziyan te keniyu te menge tumutuu is belinsug̵uen ku wey zin metudtul heini is langun. Iyan a sikan is kevuwazan te hadì dengan he si David. Iyan a sikan is iring te mekevugwas, kes bituen he ed-anlag ke egkepkepawè en,” ke si Jesus.

Mateo 9:27

Ne zutun te ked-awà ni Jesus dutun, midtelukun kandin is dezuwa he lakap. Ne haazà is menge lakap, mid-umew zan ki Jesus is edhangyù te, “Kehizuwi key kenikew, su iyan ka kes kevuwazan te hadì dengan he si David!”

Juan 7:52

Ne midtavak is menge zuma zin te, “Tulebung ke ves daan he tigGeliliya? Purungi nu susiya is insurat he menge tagnà, ne egketuenan nu he wazà minsan sevaha he ebpeneuven te Megbevayà he ziyà ebpuun te prubinsya he Geliliya.”

Mateo 26:71

Ne migawas si Pedro pehendiyà te pultahan dutun te lama. Ne zuen sevaha pa he sulug̵uen he vahi he nekeahà kandin ne migkag̵i haazà is bahi ziyà te menge etew zutun te, “Duma heini ni Jesus he tigNeserit!”

Mateo 15:22

Ne zuen dutun nekeubpà he vahi he tigKenaan. Ne midtelavuk haazà ki Jesus su edhangyù, ke sikandin te, “He Zatù he kevuwazan ni Hadì David, kehizuwi a kenikew su zuen anak ku he vahi he egkerasey utew su edlelungen te mezaat he mulin-ulin.”

Nengeulaula 6:14

Su nezineg dey sikandin is egkag̵i he is simbahan tew he Valey te Megbevayà, edrundusen ni Jesus he tigNeserit ne ed-ilisan daan ni Jesus is langun he menge vetasan tew he imbilinbilin kenitew zengan ni Moises.”

Juan 19:19

Duen insurat ni Gubirnedur Pilatu he impezeket dan dutun te zivavew te krus. Is menge lalag he insurat, edhenduen te, “Si Jesus he TigNeserit he Hadì te Menge Hudiyu.”

Juan 7:41

Ne migkag̵i is duma pa kandan dutun te, “Iyan en iyan heini sikandin sikan is hadì he mibpilì te Megbevayà.” Iyan, migkag̵i is duma pa te, “Kenà, su kenà egkehimu he ziyà ebpuun is hadì te prubinsya he Geliliya!

Juan 1:46

Ne zutun migkag̵i si Natanael te, “Duen be etew he zuen din pulus he tigNeserit?” Ne ke si Felipe te, “Edhendiyè ki wey nu maahà.”

Lucas 4:16

Ne zutun midhendiyà si Jesus te Neserit, sikan is inged he zutun en sikandin medekelà. Ne zutun te andew he Sebadu he iyan Andew te Kedhimeley midseled si Jesus te simbahan su iyan betasan din. Ne midhitindeg su ebesahan din is insurat he Lalag te Megbevayà.

Mateo 21:11

Ne midtavak is mezakel he menge etew he nemenduma ki Jesus te, “Iyan sikandin sikan is ebpeneuven te Megbevayà he si Jesus he tigNeserit diyà te Geliliya.”

Mateo 21:9

Ne mezakel he menge etew is midhuna ki Jesus, ne mezakel zaan is ebpemeninundug kandin, ne ke sikandan is ebpemengulahì te, “Edtehuzen tew is kevuwazan ni Hadì David. Delig̵a is nekeuma he midsug̵ù te Nengazen. Sikiyu is diyà te langit, tehuza niw zaan sikandin!”

Mateo 20:30

Ne zuen dezuwa he lakap he ebpimpinuu diyà te kilid te zalan. Ne hein netuenan dan he edsag̵ad si Jesus dutun, mid-umew zan is egkag̵i te, “He Zatù, kehizuwi key kenikew su iyan ka sikan is netagnà he kevuwazan ni Hadì David!”

Mateo 12:23

Nengeinuinu is mezakel he menge etew zutun ne ke sikandan te, “Kela ke iyan sikandin kes netagnà he kevuwazan ni Hadì David.”

Mateo 2:23

Ne ziyè dan med-ulì te inged he egngezanan te Neserit. Umba neulaula zan heini su egketuman is netagnà dengan te menge ebpeneuven te Megbevayà su nekag̵i zan he egngezanan si Jesus he tigNeserit.

Mateo 1:1

Iyan heini kes gug̵ud te kepuun ni Jesu Kristu. Kevuwazan si Jesu Kristu ni Hadì David dengan. Ne si David, kevuwazan ni Abraham.