Marcos 10:33 - Manobo Western Bukidnon

³³ Ke sikandin te, “Netuenan niw he edhendiyè kiw te Hiruselim ne emun ebpekeuma kiw zutun, siak is Kakey te Menusiyà, ibpalad a ziyà te menge punuan he menge memumuhat wey menge menunudlù te kesug̵uan. Ne egkeuyun dan he ebpehimetayan a ne ibpalad e zan daan diyà te menge etew he kenà menge Hudiyu.

Marcos 10:33 Referans Kwoze

Mateo 27:2

Mibakus dan si Jesus te kedina ne inhated dan sikandin diyà te ki Pilatu he iyan gubirnedur zutun.

Marcos 8:31

Ne zutun impesavut ni Jesus te menge sumusundan din is imbanglis kandin. Ke sikandin te, “Siak is Kakey te Menusiyà, mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Mateo 26:66

Hengkey is hukum niw?” Ne midtavak is menge zuma zin te, “Dekelà is salè din; kinahanglan he edhimetayan.”

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Santiago 5:6

Su impesilutan niw wey mibunù niw is menge metazeng he etew, minsan pa te wazè dan medsukul keniyu.

Nengeulaula 20:22

Ne g̵untaan, geina te edtumanen ku is sug̵ù kedì te Wag̵as he Mulin-ulin, edhendiyà a te Hiruselim. Ne kenè ku egketuenan ke hengkey is egkeulaula ku zutun.

Nengeulaula 13:27

Is menge Hudiyu he menge meg̵inged diyà te Hiruselim wey is menge egalen dan, wazè dan mesavut he iyan si Jesus sikan is edlibri kenitew. Ne wazè dan daan mesavut is insurat he tagnà te ebpemeneuven dengan te Megbevayà. Minsan ke egkezineg dan is kebesaha kayi kada Sebadu ziyà te menge simbahan dan, nengetuman dan gihapun kes nengetagnà pinaag̵i te kegkag̵i zan he zait si Jesus he edhimetayan.

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Lucas 23:21

iyan, nasì mid-iseg sikandan mebpememensag he egkag̵i te, “Iransang te krus! Iransang te krus!”

Lucas 9:22

Ne ke sikandin daan te, “Siak is Kakey te Menusiyà, kinahanglan he mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Marcos 15:1

Ne kegkepawè dà dutun, is menge punuan te menge memumuhat wey is menge menunudlù te kesug̵uan wey is menge ebmeg̵urangen te menge Hudiyu, wey is langun he menge menhuhusey, neuyun dan ke hengkey is ed-ul-ulahan dan ki Jesus, ne zutun mibakus dan sikandin ne inhated dan diyà te gubirnedur he Rumanu he si Pilatu.

Marcos 14:64

nezineg niw en is menge lalag din he utew supak te Megbevayà. Hengkey is hukum niw?” Ne zutun migkag̵i is langun he menge zuma zin te zekelà is salà ni Jesus ne kinahanglan he edhimetayan.

Marcos 9:31

su wey kenà sikandin mesemuki is ebpenurù te menge sumusundan din. Ne ke sikandin diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan, iyan, seled te tetelu he andew zutun egkevanhew a.”

Marcos 9:12

Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Juan 18:32

(Umba neulaula heini su egketuman is midtagnà ni Jesus he edhimetayan sikandin pinaag̵i te kedrensanga te krus.)