Marcos 10:20 - Manobo Western Bukidnon

²⁰ Ne midtavak haazà is maama ziyà te ki Jesus te, “Menunudlù, is langun keniyan, mibenteyanan ku ne wazè ku mesupak puun pa te vatè e pa.”

Marcos 10:20 Referans Kwoze

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.

Ruma 7:9

Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Mateo 19:20

Ne migkag̵i haazà is etew te, “Is langun keniyan, ne mibentayan ku; hengkey pa is kurang ku he ebpeveelan kedì?”

Lucas 10:29

Iyan, haazà is menunudlù te kesug̵uan, egkesuatan din pezem he meisip ni Jesus he hustu is menge ulaula zin, umba migkag̵i sikandin te, “Hentei is nekag̵i he zuma ku?”

Marcos 10:21

Ne si Jesus, midtengtengan din haazà is etew su ingkehizu zin ne ke sikandin te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”