Marcos 1:8 - Manobo Western Bukidnon

⁸ Wahig is ibewtismu ku keniyu, iyan, haazà he etew is ed-ilis kediey, iyan ibewtismu zin keniyu sikan is Wag̵as he Mulin-ulin, he ke và dà egkeg̵iya, ibeg̵ey zin keniyu is Wag̵as he Mulin-ulin.”

Marcos 1:8 Referans Kwoze

Nengeulaula 1:5

Te timpu pa ni Juan, wahig is imbewtismu zin te menge etew. Iyan, mekepira zà guntaan iyan kebewtismuwi keniyu is: edlumunan is kada sevaha keniyu te Wag̵as he Mulin-ulin.”

1 Kurintu 12:13

Ne sikitew is langun, Hudiyu se kenà Hudiyu, sulug̵uen se kenà sulug̵uen, ne pudu kiw mibewtismuwan te sevaha zà he Wag̵as he Mulin-ulin; ne pinaag̵i kayi nehimu kiw en he sevaha zà he lawa, ne mid-ulinan kiw pudu te sevaha zà he Wag̵as he Mulin-ulin.

Nengeulaula 10:45

Is menge tumutuu he Hudiyu he nemekezuma ki Pedro, utew zan nengeinuinu su is Megbevayà, mibpeulinan din daan te Wag̵as he Mulin-ulin is minsan menge etew he kenà menge Hudiyu.

Nengeulaula 2:4

Ne mibpurungan ulini te Wag̵as he Mulin-ulin is kada sevaha kandan, ne netekewtekew zan pintezi te menge kineg̵iyan he kenè dan egketuenan sumalà is gehem he imbeg̵ey kandan te Wag̵as he Mulin-ulin.

Nengeulaula 2:17

‘Migkag̵i is Megbevayà te, “Keuzemà te ketepusan he timpu, sikiyu is tivuuk he menusiyà, ibpelumun ku keniyu is Wag̵as he Mulin-ulin. Ne zutun ebpeneuven is menge anak niw he maama wey is anak niw he vahi ne ibpesavut dan te menge etew is lalag ku. Duen menge menguhed he ebpuwasan ku is id-ehè dan wey zan maahà is kenà egkeahà te zuma. Ne zuen menge meg̵urang he edhimuwen ku he menge meneneg̵einep.

Mateo 3:11

Wahig is ibewtismu ku keniyu,” ke si Juan, “he tuus te mid-iniyug̵an niw is mezaat he ulaula, iyan, duen etew he ed-ilis kediey ne iyan ibewtismu zin keniyu is Wag̵as he Mulin-ulin, ne emun kenà, ne hapuy. Lavew sikandin kedì, ne minsan is ked-uwit dà te sepatus din, kenè e pa zait he sulug̵uen din.

Marcos 1:7

Ne zutun midweliyan ni Juan is menge etew, ke sikandin te, “Duen etew he ebpekeuma he ed-ilis kediey. Iyan sikandin utew lavew kenà siak su minsan is kebpul-ut dà te menge sepatus din, kenè e pa zait he sulug̵uen din.

Marcos 1:9

Ne zutun te timpu te kebpemewtismu ni Juan, nekeuma ziyà te ki Juan si Jesus is ebpuun diyà te inged he Neserit he ziyà te prubinsya he Geliliya. Ne mibewtismuwan sikandin ni Juan diyà te wahig he Hurdan.

Lucas 3:16

Ne tenged kayi, migkag̵i si Juan diyà te kandan te langun te, “Duen ed-ilis kediey he utew lavew su minsan is kebpul-ut dà te menge sepatus din, kenè e pa zait he sulug̵uen din. Wahig is ibewtismu ku keniyu,” ke si Juan, “iyan, haazà is migkag̵i ku, ebewtismu zaan keniyu. Is edtuu, ne ebewtismuwan din te Wag̵as he Mulin-ulin. Ne is kenà edtuu, ne iyan din ibewtismu kandan is hapuy.

Juan 1:26

Ne zutun midtavak si Juan te, “Tutuu iyan he ebpemewtismu a, iyan, pinaag̵i zà te wahig, iyan, duen duma niw he wazè niw mekilala

Juan 1:33

Ne hein aney zutun,” ke si Juan, “wazè ku pa metueni he iyan sikandin kes netagnà he hadì, iyan, sikan is Megbevayà he iyan midsug̵ù kedì wey a mekepemewtismu pinaag̵i te wahig, migkag̵i kedì he zaan te, ‘Emun egkeehè nu is etew he edtenaan wey kenà ed-ewaan te Wag̵as he Mulin-ulin, iyan en etew he ibpemewtismu zin is Wag̵as he Mulin-ulin.’