Marcos 1:32 - Manobo Western Bukidnon32 Ne hein edsanlep en is andew zutun, is langun he egkengezeruwan wey is ebpenlelungen te mezaat he mulin-ulin, mibpen-uwit sikandan te menge etew ziyà te ki Jesus. Gade chapit la |
Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.
Ne minsan sikan is menge mezaat he mulin-ulin, impemaawè din dutun te menge etew he edlelungen dan. Nemekekulahì haazà is menge mezaat he mulin-ulin he egkag̵i te, “Iyan ka iyan sikan is Anak te Megbevayà!” Iyan, impeengked sikandan ni Jesus su wazè din itug̵ut he zuen egkeg̵iyen dan su netuenan dan he iyan sikandin kes mibpilì te Megbevayà he hadì.