Lucas 9:44 - Manobo Western Bukidnon

⁴⁴ “Kenè niw lipati heini is egkeg̵iyen ku keniyu, duen timpu keuzemà he siak is Kakey te Menusiyà, ibpalad a ziyà te menge kuntada ku,” ke sikandin.

Lucas 9:44 Referans Kwoze

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Lucas 9:22

Ne ke sikandin daan te, “Siak is Kakey te Menusiyà, kinahanglan he mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Hibriyuhanen 2:1

Ne tenged kayi, kinahanglan he edhemenan tew ebpurungi is tutuu he tuluuwen he impenurù kenitew wey tew kenà melekai su kela ke mekesuwey kiw te tutuu he ibayà.

Lucas 2:19

Ne si Maria, wazè din melipati heini is langun he nezineg din, kekenà, mibpurungan din is-isipa.

Juan 19:11

Ne midtavak si Jesus te, “Is keg̵ehem nu te kebayàbayà kediey, ke wazè pa iveg̵ey heini te Megbevayà diyà te kenikew, wazè nu g̵eina egkehimu. Umba sikan is midsug̵ù he uwita a zini te kenikew, iyan edhuna he zekelà is salè din, kenà sikew.”

Juan 16:4

Umba egkeg̵iyen ku heini keniyu he zaan su emun egkehitavù heini is kebpekeantus niw te kemereg̵enan, egketenuzan niw he inlag̵uy ku en keniyu heini he zaan. Wazè ku sikiyu keg̵iyi kayi zengan hein beg̵u kiw pa he nekeduzuma su kemulu e pa zutun duma niw.

Lucas 24:44

Ne zutun migkag̵i si Jesus diyà te kandan te, “Iyan heini sikan is migkag̵i ku keniyu hein kemulu e pa zuma niw. Is langun mehitenged kedì he impesurat dengan te Megbevayà ki Moises, wey kes langun he impesurat din te zuma pa he ebpemeneuven din, wey minsan kes insurat dengan duen te libru te menge Salmo, ne kinahanglan he egketuman pinaag̵i te neulaula zini te kedì.”

Lucas 18:31

Ne zutun migkeg̵iyan ni Jesus haazà is sepulù wey zezuwa he menge sumusundan din he medtapid dan ne ke sikandin dutun te, “Netuenan niw he edhendiyè kiw te inged he Hiruselim ne emun ebpekeuma kiw zutun ne sikan is langun he insurat he nengetagnà te ebpemeneuven dengan te Megbevayà mehitenged kedì, ne egkengetuman en.

Lucas 2:51

Miduma kandan si Jesus te ed-ulì diyà te Neserit su mepezumdumahan sikandin te g̵inikanan din. Ne wazà melipati te iney zin haazà is langun he neulaula, kekenà, netipig̵an diyà te isip din.

Lucas 1:66

Ne wazà heini melipati te langun he nemekezineg. Ne netag̵ù diyà te isip dan ke hengkey vuwa is ibpeulaula keuzemà te Megbevayà dutun te vatà ke edekelè en su utew keladu he ed-ulinan te Megbevayà haazà is batà.

Marcos 9:31

su wey kenà sikandin mesemuki is ebpenurù te menge sumusundan din. Ne ke sikandin diyà te kandan te, “Siak is Kakey te Menusiyà, duen timpu he ibpalad a ziyà te menge kuntada ku ne edhimetayan e zan, iyan, seled te tetelu he andew zutun egkevanhew a.”

Marcos 8:31

Ne zutun impesavut ni Jesus te menge sumusundan din is imbanglis kandin. Ke sikandin te, “Siak is Kakey te Menusiyà, mezakel is menge kemeresayan he ibpaantus kediey. Edsumpeliten a te menge ebmeg̵urangen te menge Hudiyu wey te menge punuan he memumuhat wey te menge menunudlù te kesug̵uan. Edhimetayan e zan ne seled te tetelu he andew zutun egkevanhew a.”

Mateo 26:2

“Netuenan niw he mekezuwa zà guntaan ne egketuman en sikan is pista he egngezanan te Pista te Kedlevayi. Ne zutun, siak is Kakey te Menusiyà, ibpalad a ziyà te menge etew wey e zan ikeransang te krus,” ke sikandin.

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Juan 16:31

Ne migkag̵i kandan si Jesus te, “Human kew ves meketuu?