Lucas 7:29 - Manobo Western Bukidnon

²⁹ Ne hein nezineg heini is menge penurù ni Jesus te langun he menge etew zutun wey te menge mesinupaken he menge menunukut te vuhis, migkag̵i zan he utew hustu is menge ulaula te Megbevayà. Umba migkag̵i zan heini su iyan si Juan kes mibpemewtismu kandan.

Lucas 7:29 Referans Kwoze

Lucas 3:12

Ne zutun nekeuma is menge menunukut te vuhis su ebpebewtismu zaan sikandan. Ke sikandan te, “Menunudlù, hengkey is egkesuatan te Megbevayà he ed-ul-ulahan dey?”

Lucas 7:35

Iyan,” ke si Jesus, “pinaag̵i te menge ulaula te menge etew he tutuu is kedsarig dan te Megbevayà egketuusan ta he utew metau sikandin.”

Impezayag 16:5

Ne nezineg ku zutun is belinsug̵uen he impevantey te menge wahig, ke sikandin te, “Sikew is wag̵as he Megbevayà he zengan wey g̵untaan, metazeng heini is kedsiluti nu te menusiyà

Impezayag 15:3

Ne egkentahan dan is kentahan duen te sulug̵uen te Megbevayà he si Moises he iyan sikan is kentahan he idalig dutun te nati he kerehidu. Ke sikandan te, “Sikew is Megbevayà, mekeg̵eg̵ehem ka he Nengazen te langun. Utew zekelà wey utew egkein-inuwi is langun he menge vaal nu! Hadì ka te langun he menge g̵inhedian. Metazeng wey tutuu is menge ulaula nu!

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Nengeulaula 19:3

Ne ke si Pablo te, “Hengkey he penurù is midsunud niw zutun te kebewtismuwi keniyu?” Ne ke sikandan te, “Iyan kes impenurù dengan ni Juan Megbebewtismu.”

Nengeulaula 18:25

Duen nekepenurù kandin he zaan te keag̵i te Nengazen tew he si Jesus ne utew sikandin mezesen he ebpenurù wey hustu is kedseysey zin mehitenged ki Jesus. Asal, iyan pa netuenan din is kebpemewtismu he impenurù dengan ni Juan.

Mateo 5:46

Kenè niw isipa he edsuhulan kew te Megbevayà ke iyan dà ebpurungan niw is ebpurung daan keniyu; su minsan is menge menunukut te vuhis he limbung is ulaula zan, ebpurungan dan daan is ebpurung kandan.

Lucas 7:28

“Tentenuzi niw he si Juan Megbebewtismu, wazà minsan hentei he etew te minsan keenu he timpu he nekelavew kandin, iyan, ke edhadì keuzemà is Megbevayà, is minsan hentei he etew zutun he edhedian te Megbevayà, minsan utew minus is pid-etawan din, lavew pa sikandin kenà si Juan guntaan.”

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”