Lucas 7:24 - Manobo Western Bukidnon

²⁴ Ne hein migenat en haazà is menge sug̵ù ni Juan ne migkag̵i si Jesus diyà te mezakel he nengetig̵um he menge etew, ke sikandin te, “Hein midhilesung niw si Juan diyà te tanà he wazà duen ed-ubpà he etew, hengkey is inhilesunga niw kandin? Iyan be ed-ahaan niw is etew he iring te sagbet he egkewaleng te keramag? Kenà iyan haazà su kenà egkehalinhalin is gehinawa ni Juan.

Lucas 7:24 Referans Kwoze

Ipisu 4:14

Dutun ne egkehimu he kenè kiw en ebpekeiring te vatà su is etew he iring dutun ne egkehalinhalin is kedtuu zin su melemu ebpeketuu te minsan hengkey he tuluuwen he ibpenurù kandin te menge teruen he etew he metau he edlimbung.

Lucas 1:80

Ne haazà is anak ni Zacarias, midtulin ne mid-iseg daan is ketau zin te ked-isip. Ne hein nekeiseg-iseg en is kezekelè din ne midhendiyà sikandin te tanà he kenè ed-ubpaan te etew ne zutun med-ubpà taman te neuma haazà is timpu te kebpenurù din te menge kezuzumahi zin he kevuwazan ni Israyil mehitenged te Lalag te Megbevayà.

2 Pedro 3:17

Minahal ku he menge suled, geina te netuenan niw en heini he zaan, andam kew su wey kenè kew meketuu te menge tarù he ibpenurù te menge lalung he etew ne egkelipatan niw is tutuu he tuluuwen he midtuuwan niw.

2 Pedro 2:17

Ne haazà is menge etew he ebpenurù te tarù, iring sikandan te kalut he nemezahan. Iring sikandan te g̵apun he ebpegwisen te keramag su wazè dan menge pulus. Integ̵ana te Megbevayà is egkeubpaan dan diyà te Impirnu he utew merusirem.

Juan 1:23

Ne zutun midtavak si Juan. Is tavak din iring te insurat dengan te ebpeneuven he si Esaias. Ke si Juan te, “Iyan a sikan is netagnà he etew he egkezineg is kedwali zin diyà te tanà he wazà duen ed-ubpà. Ke sikandin te, ‘Tendanga niw is ibayà he ed-ikulen te Nengazen.’ ”

Lucas 7:23

Utew zeyzey is etew he kenà eduwazuwa he iyan a sikan is midsug̵ù te Megbevayà.”

Lucas 7:25

Midhilesung niw ve is etew he utew meupiya is bisti zin? Kenà daan, su is menge etew he memeupiya is bisti wey utew meupiya is kebpekesavuk, ne ziyè dà egkeahà te turug̵an te hadì.