Lucas 6:38 - Manobo Western Bukidnon

³⁸ Mebeg̵ey kew ziyà te menge zuma niw ne is Megbevayà, ebeg̵ayan kew zin daan. Is kezekelà te ibeg̵ey niw ne iyan daan kezekelà te ibeg̵ey keniyu te Megbevayà. Ne is ibeg̵ey zin keniyu, ne utew subra su henduen te utew edhesheseka wey utew ebpenpenua ne egkepeuluwan pa.”

Lucas 6:38 Referans Kwoze

Marcos 4:24

Ne mid-uman megkag̵i si Jesus te, “Purungi niw pemineg̵a is penurù ku keniyu su sumalà is kebpurung niw kebpemineg, ibeg̵ey keniyu te Megbevayà is kedsavut, asal zekelè pa is ibpesavut din keniyu.

Mateo 7:2

Su is idsawey niw te zuma niw ne iyan daan idsawey keniyu te Megbevayà. Is kezekelà te idsawey nu te zuma nu, iyan daan kezekelà te idsawey kenikew te Megbevayà.

Mateo 10:42

Ne kenè niw lipati he ke zuen etew he minsan sengetasa zà he wahig is ibpeinum din te minsan hentei he sumusundan ku, ne iyan ibpeinuma zin dutun is tenged te sumusundan ku haazà is ebpekeinum, ne kenà egkehimu he kenà sikandin edsuhulan te Megbevayà. Ne minsan ke utew minus is pid-etawan dutun te sumusundan he ibpeinum din, kenà egkehimu he kenà sikandin edsuhulan.”

Lucas 6:30

Emun duen ebuyù diyà te kenikew, iveg̵ey nu ziyà te kandin is ebuyuen din, ne emun duen etew he ed-eg̵awen din is menge azen nu ne kenè nu hewia.

Santiago 2:13

Su is Megbevayà, kenè din keuzemà egkehizuwan is etew he wazè din hizu te zuma zin. Iyan, is etew mulà he hihizuwen, wazà kinahanglan he egkehandek sikandin su kenà sikandin edsilutan te Megbevayà.