Lucas 5:26 - Manobo Western Bukidnon

²⁶ Ne is langun he menge etew zutun ne nengeherat is mata zan, ne utew zan nengeinuinu ne midalig dan is Megbevayà, ne ke sikandan te, “Heini is neehè tew g̵untaan, ne utew egkein-inuwi!”

Lucas 5:26 Referans Kwoze

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Lucas 7:16

Ne is langun he nemekeahà dutun, ne utew zan nengehandek ne nezalig dan is Megbevayà, ke sikandan te, “Heini en te kenitew is utew lavew he ebpeneuven te Megbevayà!” Ne ke sikandan daan te, “Mibulus en is Megbevayà su wey kiw melibri is menge nengepilì din he etew!”

Nengeulaula 4:21

Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu,

Lucas 8:37

Ne zutun, haazà is langun he menge etew he meg̵inged dutun te tanà te menge Geresinen, ne midhangyù dan ki Jesus he med-awà sikandin dutun te kandan su utew zan ingkehandek sikandin. Ne iyan dà haazà, ne mid-untud ensi Jesus te avang su egenat dan.

Lucas 5:8

Ne si Simon Pedro, hein neehè din is neulaula, nekeluhud diyà te ki Jesus is egkag̵i te, “Datù, deyzey ke ebpekeziyuan a kenikew su utew a mekesesalà.”

Marcos 2:12

Ne zutun, haazà is etew, mid-enew sikandin ne migkuwa zin haazà is duyanè din ne midlawang puun dutun te valey ne naahà haazà te langun he menge etew zutun. Ne is menge etew, hein neehè dan haazà ne utew zan nengeinuinu ne midalig dan is Megbevayà. Ne ke sikandan te, “Wazè tew pa keenu maahà is iring kayi!”

Mateo 28:8

Ne zutun, migaanggaan haazà is menge vahi med-awà dutun te surung. Nengehandek dan, iyan, nepenù is gehinawa zan te kelipey. Ne ebpelelag̵uy zan su ibpenudtul zan diyà te menge sumusundan he zuma.

Mateo 12:23

Nengeinuinu is mezakel he menge etew zutun ne ke sikandan te, “Kela ke iyan sikandin kes netagnà he kevuwazan ni Hadì David.”

Gelasya 1:24

Ne tenged dutun midalig dan is Megbevayà tenged te neketuu a ki Jesus.

Lucas 1:65

Ne is langun he menge siringan dan, hein nezineg dan heini, utew zan nengeinuinu. Ne is tudtul zutun te neulaula, segugunà nekeeneb diyà te langun he menge vuvungan he inged he sakup te prubinsya he Hudiya.