Lucas 5:24 - Manobo Western Bukidnon

²⁴ Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa, ke sikandin te, “Sikew, Mama, enew ka, ne kuwaa nu heeyan is duyanè nu ne ulì ka!”

Lucas 5:24 Referans Kwoze

Impezayag 1:13

Ne ziyà te teliwazà dutun te menge sulù, duen neehè ku he henduen be te etew. Melug̵ayad is kumbalè din ne mibevanda te vulawan.

Nengeulaula 14:10

ne midhabet is egkag̵i te, “Tulidtulid ka hitindeg!” Ne zutundutun nekehitindeg sikandin ne midhiphipanew.

Nengeulaula 9:40

Ne impeg̵awas ni Pedro is langun te sikandan ne midluhud sikandin is ed-ampù diyà te Megbevayà. Ne zutun midsineruwan din haazà is lawa zutun te minatey ne ke sikandin te, “He Tebita, enew ka.” Ne migimerat si Tebita ne neehè din si Pedro, ne mid-enew ne mibpinuu.

Nengeulaula 9:34

Ne migkeg̵iyan sikandin ni Pedro te, “He Iniyu, ebewian ka ni Jesu Kristu.” Enew ka ne tepiza nu is menge g̵elemiten nu te kedhizeg̵à. Ne zutundutun neulian si Iniyu ne mid-enew.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

Juan 17:2

Insarig nu kediey is kebayàbayà te tivuuk he menusiyà su wey ku meveg̵ayi te untung he wazà pidtemanan is langun he menge etew he imbeg̵ey nu kediey.

Juan 11:43

Ne te nekag̵i zin heini, midhabet megkag̵i te, “He Lazaro, gawas ka keniyan!”

Juan 5:27

Ne siak, tenged te migeraran a he Kakey te Menusiyà, mibeg̵ayan a te Amey ku te ketenged wey ku keuzemà mesusi is nengeveelan te tivuuk he menusiyà.

Juan 3:13

Hentei is nekehendiyà te langit? Iyan e zà is Kakey te Menusiyà su ziyà a ebpuun te langit.”

Lucas 8:54

Ne mid-uvayan ni Jesus haazà is batà ne migewezan din diyà te velad ne mid-umew zin he ke sikandin te, “Bayi, enew kad.”

Lucas 7:14

Ne mibeyaan din is edlentingen ne migewezan din. Ne nemeketeren haazà is edlanting dutun te minatey ne migkeg̵iyan ni Jesus haazà is edlentingen te, “Mama, enew ka!”

Lucas 5:13

Ne zutun midampà sikandin ni Jesus te egkag̵i te, “Utew meupiya te g̵ehinawa ku; meulii ka!” Ne segugunà nehanewhanew zutun te etew haazà is it-it din.

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Mateo 26:64

Ne midtavak si Jesus te, “Iyan heeyan sumalà is migkag̵i nu ne ekeg̵iyan ku sikiyu is langun he siak is Kakey te Menusiyà, keuzemà egkeahà a keniyu is diyà ebpinuu te zapit te egkekewanan te Megbevayà. Ne egkeahà a zaan keniyu ziyà te menge g̵apun is ebulus he ebpuun diyà te langit,” ke sikandin.

Mateo 25:31

Siak is Kakey te Menusiyà, dutun te kedlikù ku he utew zekelà is gehem te ked-anlag ku wey edumahan ad te langun he menge velinsug̵uen ku, ebpinuu ad is edhadì.

Mateo 16:13

Midhendiyà ensi Jesus te inged he uvey te inged he Sisarya Pilipus. Ne hein nekeuma zan en dutun, mid-insaan din is menge sumusundan din te, “Siak is Kakey te Menusiyà, hentei e kun sumalà te ked-isipa kediey te menge etew?”

Mateo 9:6

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te, “Sikew, Mama, enew ka; kuwaa nu heeyan is duyanè nu ne ulì ka.”

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Lucas 5:18

Ne zutun nekeuma is menge etew he ed-uwit te etew he minatey is divaluy he lawa zin he impehizeg̵à te zuyanà. Idseled dan pezem dutun te valey su wey zan ikesavuk diyà te etuvangan ni Jesus.

Lucas 5:23

Hendei zapit is egkehimu te etew zà duen, iyan be is kebpesaylu te salà kayi te etew wey ke iyan is kegkeulii kayi te etew su wey mekeenew ne mekehipanew?