Lucas 5:23 - Manobo Western Bukidnon

²³ Hendei zapit is egkehimu te etew zà duen, iyan be is kebpesaylu te salà kayi te etew wey ke iyan is kegkeulii kayi te etew su wey mekeenew ne mekehipanew?

Lucas 5:23 Referans Kwoze

Marcos 2:9

Su hendei zapit is egkehimu te etew zà duen? Iyan be is kebpesaylu te salà kayi te etew he minatey is divaluy he lawa zin, wey ke iyan is kegkeulii kandin wey sikandin mekeenew ne mekuwa zin is duyanè din ne mekehipanew?

Mateo 9:5

Hendei zapit is egkehimu te etew zà duen, iyan be is kebpesaylu te salè din wey ke iyan is kegkeulii kandin?

Mateo 9:2

Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Lucas 5:22

Ne nesavut ni Jesus is diyà te isip dan ne migkeg̵iyan din sikandan te, “Maan is egkeisip niw is iring keniyan?

Lucas 5:24

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa, ke sikandin te, “Sikew, Mama, enew ka, ne kuwaa nu heeyan is duyanè nu ne ulì ka!”

Lucas 7:48

Ne zutun migkeg̵iyan ni Jesus haazà is bahi te, “Bayi, nepesaylu en te Megbevayà is menge salè nu.”