Lucas 5:15 - Manobo Western Bukidnon

¹⁵ Iyan, minsan pa zutun, nekeeneb diyà te meziyù is bentug̵an ni Jesus ne tenged dutun utew mezakel he menge etew is ebpemenhendutun te kandin wey zan mezineg is kebpenurù din ne wey zaan meulii sikandan te menge zaru zan.

Lucas 5:15 Referans Kwoze

Lucas 12:1

Ne sevaha he andew, utew mezakel he menge etew is edhahasekhasek he ed-uvey ziyà te ki Jesus. Ne zutun migkag̵i si Jesus, asal iyan egkeg̵iyan din is menge sumusundan din, ke sikandin te, “Andam kew wey niw melikayi is tapey te menge Perisiyu, he ke và dà egkeg̵iya, is tarù he kedtuu zan te Megbevayà.

Marcos 1:45

Iyan, hein mid-awà dutun haazà is etew, midtudtul zin haazà is nehimu ziyà te kandin diyà te minsan hentei. Ne tenged dutun kenè en maan si Jesus ebpekepeg̵awag̵awa ke edhendutun te menge inged su egkeamur-amur is mezakel he menge etew. Diyè dà si Jesus edrig̵urig̵u te menge unayan. Ne midangep kandin is menge etew he ebpemuun diyà te minsan hendei he inged.

Mateo 9:26

Ne nevantug heini is neulaula ziyà te langun he menge siringan he menge inged dutun.

Marcos 1:28

Ne pinaag̵i zutun segugunà nekeeneb is bentug̵an ni Jesus diyà te tivuuk he prubinsya he Geliliya.

Juan 6:2

Ne zuen utew mezakel he menge etew he ebpemenduma kandin su nengeehè dan is menge egkein-inuwan he mibeelan din te kebewii zin te menge egkengezeruwan.

Lucas 14:25

Ne sengeandew zutun te edhipanew si Jesus ne utew mezakel is menge etew he ebpemenduma kandin. Ne midsineruwan din sikandan te egkag̵i te,

Marcos 3:7

Ne zutun mid-awà si Jesus wey is menge sumusundan din ne midhendiyè dan te veyvey te ranew. Ne nemenduma ki Jesus is utew mezakel he menge etew he ebpuun diyà te prubinsya he Geliliya. Ne is duma kandan, diyà ebpemuun te prubinsya he Hudiya,

1 Timoteo 5:25

Ne iring din ded daan duen menge etew he kenà ebpekeeles is menge vaal zan he meupiya ne zuen daan menge etew he kenà egketuenan is menge vaal zan he meupiya, iyan, duen timpu he egketuenan ded daan heini.

Mateo 9:31

Iyan, te ked-awè dan dutun nasì dan mibantug si Jesus diyà te langun he menge siringan dutun he inged.